Newyddion Diweddaraf Cyngor Sir Y Fflint
Grant y dreth gyngor i bensiynwyr yn parhau
Published: 07/07/2014
Mae Cyngor Sir y Fflint wedi cytuno parhau i ddarparu’r grant treth gyngor yn
2014-15 i bobl dros 60 oed y Sir sydd eisoes yn derbyn Cymhorthdal y Dreth
Gyngor. Ei nod yw darparu cymorth ariannol i’r pensiynwyr hynny sydd angen
mwyaf o help.
Roedd y cynllun grant yn fenter a oedd yn cael ei ariannu’n benodol gan
Lywodraeth Cymru ac roedd wedi bod yn rhedeg ers pedair blynedd, ond eleni
mae’r grant yn cael ei dalu yn ôl disgresiwn y Cyngor.
Cafodd parhad y grant gefnogaeth eang yng nghyfarfod diweddar cabinet Sir y
Fflint ac mae gwaith yn cael ei gwneud bellach i dalu’r grantiau fel mater o
drefn i bob cartref cymwys ar ddechrau Gorffennaf 2014.
Disgwylir i dros 2,200 o gartrefi pensiynwyr fod yn gymwys am grantiau hyd at
uchafswm o £95 ac ni fydd angen i’r pensiynwyr lenwi unrhyw ffurflenni cais.
Wrth sôn am weithrediad y cynllun grant, meddai’r Cynghorydd Aaron Shotton “Ar
adeg pan fo llywodraeth leol yn wynebu heriau mawr wrth ariannu gwasanaethau
cyhoeddus, rwy’n falch o gyhoeddi parhad y cynllun hwn yn ystod 2014-15”.