Newyddion Diweddaraf Cyngor Sir Y Fflint

Mae Pwyllgor Safonau Sir y Fflint eich eisiau chi!

Published: 06/11/2017

A oes gennych ddiddordeb brwd mewn safonau ym mywyd cyhoeddus ac yn dymuno gwasanaethu’r gymuned leol a chynnal democratiaeth leol? Mae gan Gyngor Sir y Fflint ac Awdurdod Tân ac Achub Gogledd Cymru swyddi gwag i aelodau annibynnol wasanaethu ar eu Pwyllgorau Safonau. Mae’r Pwyllgor Safonau’n bwriadu hyrwyddo, cynnal a gwella safonau ymddygiad aelodau o’r Awdurdod. Bydd yr ymgeiswyr llwyddiannus yn gallu dangos gwrthrychedd, annibyniaeth ac amhleidioldeb, gyda sgiliau gwrando da a gweithio mewn tîm. Dywedodd Prif Swyddog Llywodraethu Cyngor Sir y Fflint, Gareth Owens: “Mae’r dull ar y cyd hwn yn eithaf unigryw ac rydym yn gobeithio y bydd y ddau sefydliad yn gallu rhannu syniadau, arfer da a buddsoddi mewn hyfforddiant a datblygur aelodau annibynnol. Wrth fod ynghlwm wrth fwy nag un sefydliad, bydd y rôl yn fwy amrywiol a diddorol.” Mae yna sawl rheswm dros gyfranogi, yn cynnwys: • ehangu ar eich gwybodaeth a’ch profiad; • gwella eich CV a datblygiad gyrfa; • rhoi rhywbeth yn ôl drwy rannu eich gwybodaeth, sgiliau a phrofiad; • gweithio gyda phobl newydd ac ennill profiad o wahanol ddulliau sefydliadol; • rhwydweithio gyda grwp ehangach o bobl; neu • fel man cychwyn i gyfranogi gyda phwyllgorau eraill neu gyrff adolygu annibynnol. Gall Aelodau hawlio costau teithio a chynhaliaeth. Os hoffech wybod mwy am ddod yn aelod annibynnol, e-bostiwch neu ffoniwch: Alwen Davies Awdurdod Tân ac Achub Gogledd Cymru E-bost: alwen.davies@nwales-fireservice.org.uk Ffôn: 01745 535286 Gareth Owens Cyngor Sir y Fflint E-bost: Gareth.legal@flintshire.gov.uk Ffôn: 01352 702344 Y dyddiad cau ar gyfer ceisiadau yw 9am, 13 Tachwedd 2017 ac mae manylion ar sut i wneud cais ar gael yma: http://www.siryfflint.gov.uk/cy/Resident/Council-and-Democracy/Standards-Committ ee-Appointments.aspx