Newyddion Diweddaraf Cyngor Sir Y Fflint
Taliadau parcio ceir
Published: 11/01/2018
Bydd Pwyllgor Trosolwg a Chraffu Amgylchedd Cyngor Sir y Fflint yn adolygu’r
taliadau arfaethedig ar gyfer parcio ceir ac yn argymell eu dewis a ffefrir pan
fydd yn cyfarfod nesaf, dydd Mawrth, 16 Ionawr.
Nid yw lefelau taliadau parcio ceir wedi’u hadolygu ers eu cyflwyniad yn Ebrill
2015 ac nid yw’r incwm a gynhyrchir yn bodloni’r gost lawn o reoli a
gweithredu’r parciau ceir. Maer sefyllfa hon yn groes i bolisi corfforaethol y
Cyngor sydd newydd ei fabwysiadu ar gyfer ffioedd a thaliadau, syn disgwyl bod
swyddogaethau nad ydynt yn orfodol ond y gellir codi tâl amdanynt, yn cael eu
rhoi ar sail adennill costau llawn, lle bynnag y bon bosibl.
Dywedodd Aelod Cabinet Strydwedd a Chludiant Cyngor Sir y Fflint, y Cynghorydd
Carolyn Thomas:
“Rydym yn byw mewn cyfnodau anodd ac mae codi taliadau mewn meysydd parcio’n
mynd i fod yn fater cynhennus bob amser. Fodd bynnag, dyma un o’n hatebion i
helpu i fantoli ein cyllideb flynyddol, ac mae angen codi lefelau incwm ar
draws pob gwasanaeth. Mae pob Cyngor mewn sefyllfa debyg ac o ymchwil cymharol,
mae gan Sir y Fflint gwmpas i gynyddu cyfanswm ei hincwm. Maer cynyddiadau
arfaethedig yn rhesymol a byddent yn dal yn isel ou cymharu â siroedd eraill
yng Nghymru.
Mae effaith tueddiadau parcio lleol wedi’i hystyried yn eang ym mhob tref lle
mae taliadau parcio ceir. Mae pob cyfle i gynnig rhywfaint o barcio ar y stryd
am ddim, yn agos at ganol y dref, wediu harchwilio, ac maer Cyngor ar hyn o
bryd yn ymgynghori gyda dau Gyngor Tref ynghylch y potensial i gael gwared ar
rai gorchmynion pedestreiddio, a fydd yn caniatáu cerbydaun ôl ar y Strydoedd
Mawr.
Mae cynlluniau parcio ‘Preswylwyr yn Unig hefyd yn cael eu hystyried mewn dwy
ardal o’r Sir, lle mae parcio wedi’i ddadleoli’n digwydd, o ganlyniad i fannau
parcio ceir sydd ddim ar gael yng nghanol y dref, sy’n creu problemau i
breswylwyr lleol.
Yr elfen fwyaf heriol yw mesur yr effaith a gaiff taliadau parcio ceir ar
fywiogrwydd a hyfywedd canol trefi. Mae ymchwil yn dangos nad yw taliadau wedi
effeithio ar y defnydd o fannau parcio ceir, yn wir, mae cynnydd wedi bod yn y
defnydd mewn chwe thref dros y ddwy flynedd diwethaf. Cei Connah yw’r
eithriad, lle mae mannau parcio oddi ar y stryd helaeth.
Parhaodd y Cynghorydd Thomas i ddweud:
“Cyfanswm cost darparu a rheolir gwasanaeth parcio ceir yw £886,000 y
flwyddyn, a byddai hyn yn cael ei adennill gan y newidiadau arfaethedig. Byddai
hyn yn arwain at wasanaeth parcio ceir sy’n niwtral o ran cost ac syn adennill
y gost lawn.”
Nid oes unrhyw gynlluniau i godi’r taliadau parcio ceir yn Nhalacre ar hyn o
bryd, gan fod y cyfraddau yno eisoes yn uwch na’r rhai a godir mewn mannau
eraill o’r sir. Fodd bynnag, yn yr Wyddgrug, cynigir y byddai’r taliadau hyn
yn parhau ar lefel fymryn yn uwch nag mewn ardaloedd eraill o’r Sir, gyda
chanran o’r tâl cynyddol yn cael ei ddychwelyd ir Cyngor Tref, i’w caniatáu i
fuddsoddi mewn gwelliannau isadeiledd ymwelwyr.
Os cytunir ar hyn, bydd y trefniadau codi tâl newydd yn cael eu hysbysebu ym
mhob maes parcio yn ystod Chwefror a Mawrth 2018, ac yn dod i rym o 1 Ebrill
2018.