Newyddion Diweddaraf Cyngor Sir Y Fflint
Llys Alexandra
Published: 22/05/2018
Llys Alexandra yn yr Wyddgrug yw’r datblygiad tai cyngor newydd diweddaraf o
dan Raglen Tai ac Adfywio Strategol (SHARP) Sir y Fflint mewn partneriaeth â
chwmni Wates Residential.
Bydd Llys Alexandra yn stryd bengaead o 16 o dai cyngor newydd sbon a adeiladir
ar hen safle Ysgol Delyn ger Ffordd Alexandra ac maer gwaith bron â chael ei
gwblhau. Mae’r tenantiaid cyntaf eisoes wedi symud i mewn i’w cartrefi newydd
Bu Arweinydd Cyngor Sir y Fflint, y Cynghorydd Aaron Shotton, a’r aelod ward
lleol, y Cynghorydd Chris Bithell, yn ymweld â’r datblygiad ac yn cwrdd â
thenantiaid newydd a gweld sut mae safler hen ysgol wedi cael ei drawsnewid yn
ddatblygiad tai modern o safon uchel.
Dywedodd y Cynghorydd Aaron Shotton, Arweinydd Cyngor Sir y Fflint;
“Rwy’n hynod falch or cynnydd gwych syn dal i gael ei wneud i ddarparu ein
rhaglen adeiladu tai.
“Mae’r galw am dai cymdeithasol fforddiadwy yn ein holl gymunedau, trefol a
gwledig, yn dal i dyfu ac rydym yn benderfynol o gynnal y momentwm sydd wedi’i
ennill dros y tair blynedd diwethaf i ateb y galw hwnnw drwy ein rhaglen dai
uchelgeisiol. Rydym yn parhau i bwyso ar Lywodraeth Cymru i godi cap Sir y
Fflint ar fenthyca er mwyn i ni adeiladu mwy a diwallu anghenion lleol.
“Rwy’n falch bod Cyngor Sir y Fflint yn darparu’r tai cyngor newydd sbon cyntaf
yn yr Wyddgrug ers cenhedlaeth.”
“Mae Llys Alexandra a chynlluniau eraill sydd wedi cael eu cwblhau o dan ein
rhaglen hyd yma, megis Llys Custom House yng Nghei Connah a Heol y Goron yng
Nghoed-llai, yn ganolbwynt i’n cymunedau lleol ac yn darparu tai o safon uchel
gan helpu i gynnal y cymunedau hynny a chreu cyfleoedd gwaith.”
Dywedodd y Cynghorydd Bernie Attridge, Aelod Cabinet Tai;
“Fel pob cynllun tai cyngor a ddatblygir o dan raglen SHARP, bydd tai Llys
Alexandra yn cael eu trosglwyddo i denantiaid newydd o dan bolisi gosod tai
lleol sy’n golygu bod blaenoriaeth yn cael ei rhoi i bobl leol i’w galluogi i
ddal i fyw yn eu cymunedau lleol.
Meddai’r Cynghorydd Chris Bithell, aelod lleol dros Ddwyrain yr Wyddgrug;
“Mae datblygiad Llys Alexandra wedi’i adeiladu gyferbyn â’r tai cyngor cyntaf i
gael eu hadeiladu yn yr Wyddgrug yn ôl yn 1924 i ddarparu tai cymdeithasol yr
oedd gwir eu hangen mewn cymunedau lleol ar y pryd. Rwy’n falch iawn bod safle
hen Ysgol Delyn wedi cael ei ddefnyddio i ddarparu tai fforddiadwy y mae gwir
eu hangen i bobl yr Wyddgrug heddiw.”
Nodyn i olygyddion
Yn y llun ynghlwm mae (chwith ir dde)
Dawn Kent, Rheolwr Gwasanaethau Cymorth Tai Cyngor Sir y Fflint, y Cynghorydd
Aaron Shotton, gyda thenant newydd Sara Arrow Smith a’i phlant Leah a Rhys, y
Cynghorydd Chris Bithell a Mick Cunningham o gwmni Wates Construction