Newyddion Diweddaraf Cyngor Sir Y Fflint
Clwb Athletau Glannau Dyfrdwy yn chwilio am wirfoddolwyr
Published: 23/07/2014
Mae Clwb Athletau Glannau Dyfrdwy yn cynnal ymgyrch recriwtio mewn ymgais i
gynyddu nifer y gwirfoddolwyr syn cefnogir clwb llwyddiannus.
Bydd y noson agored yn cael ei chynnal yng Nghanolfan Athletau Dan Do Gogledd
Cymru, Ffordd Celstryn, Cei Conna ddydd Llun 28 Gorffennaf o 7pm tan 9pm.
Clwb Athletau Glannau Dyfrdwy ydi’r unig glwb athletau yn Sir y Fflint ac maen
nhw’n darparu ar gyfer athletwyr iau, hyn ac anabl. Nod y clwb ydi rhoi cyfle i
bobl ifanc ac oedolion gael cymryd rhan a mwynhau athletau mewn amgylchedd
hwyliog a diogel dan arweiniad hyfforddwyr cymwys. Ar hyn o bryd mae gan y clwb
132 o aelodau, yn aelodau ifanc 9 mlwydd oed ac yn aelodau 65 oed a hyn.
Dywedodd Donna Welsh, Swyddog Datblygu Athletau sydd ynghlwm wrth Glwb Athletau
Glannau Dyfrdwy: “Gwirfoddolwyr ydi asgwrn cefn ein clwb a hebddyn nhw ni
fyddai’r clwb yn bodoli.
“Bydd y Noson Agored yn gyfle gwych i bobl leol sydd â diddordeb mewn
gwirfoddoli i ddod i weld y cyfleusterau, i gwrdd âr hyfforddwyr a’r athletwyr
ac i wybod mwy am yr hyn rydym ni’n ei wneud yng Nghlwb Athletau Glannau
Dyfrdwy.
Dywedodd y Cynghorydd Kevin Jones, Aelod Cabinet Strategaeth Gwastraff,
Gwarchod y Cyhoedd a Hamdden: “Mae gwirfoddolwyr yn bwysig iawn i sefydliadau
lleol a grwpiau chwaraeon. Maen nhw’n galluogi pobl i gymryd rhan a gwella eu
sgiliau chwaraeon, sgiliau na fyddai fel arall yn datblygu efallai. Felly, os
oes gennych chi rywfaint o amser sbâr, dyma ffordd wych o helpu’ch cymuned.
Maer clwb yn awyddus i recriwtio nifer o rolau gwahanol, gan gynnwys rolau
hyfforddi ymarferol a rolau cefnogi i helpu’r clwb godi arian, marchnata a
hyrwyddo, diweddaru’r wefan/cyfryngau cymdeithasol a llawer mwy.
Am fwy o wybodaeth ewch i’r Ganolfan Athletau Dan Do a dysgwch fwy am y
cyfleoedd gwych i gymryd rhan.