Newyddion Diweddaraf Cyngor Sir Y Fflint

Llwybr beicio Talacre i Ffynnongroyw

Published: 14/08/2014

Mae gwaith yn mynd rhagddo i greu llwybr beicio newydd a rennir rhwng Talacre a Ffynnongroyw fel rhan o’r prosiect parhaus “Cysylltu Cymunedau Sir y Fflint”. Bydd y mwyafrif o’r llwybr beicio arfaethedig yn dilyn llinell y Llwybr Arfordirol Cymru Gyfan presennol rhwng yr A548 yn Nhan Lan at y gyffordd â Ffordd yr Orsaf yn Nhalacre, gydag adran yn mynd o amgylch pwynt Glofa’r Parlwr Du. Bydd y rhan hwn o’r Llwybr Arfordirol ar gau tan ddiwedd mis Medi pan gaiff y gwaith ei gwblhau. Yn ogystal, ni fydd modd cael mynediad ir Guddfan Adar yng Nglofar Parlwr Du yn ystod y gwaith adeiladu. Pan fydd wedi’i gwblhau, bydd y llwybr beicio yn darparu cyswllt beicio di-dor o ogledd Mostyn i Ffynnongroyw ac ymlaen i Dalacre cyn parhau ar hyd Rhwydwaith Beicio Cenedlaethol 5 i Brestatyn Mae tri chynllun eisoes wedi’u cwblhau fel rhan o brosiect Cysylltu Cymunedau Sir y Fflint a ddechreuodd yn 2011: Gosod Croesfan Pegasus yng Ngronant, cynllun gwella’r Llwybr Cerdded Cyhoeddus yn Mostyn a llwybr beicio ar/oddi ar y ffordd rhwng yr Wyddgrug/Sychdyn a Llaneurgain/y Fflint. Dywedodd y Cynghorydd Bernie Attridge, Aelod Cabinet ar gyfer yr Amgylchedd “Nod prosiect Cysylltu Cymunedau Sir y Fflint yw darparu amcanion cynaliadwyedd amgylcheddol, cymdeithasol ac economaidd, yn enwedig o ran trafnidiaeth a newid yn yr hinsawdd, cydlyniad a chysylltedd cymdeithasol a gwella, datblygu a hyrwyddo cyfres o lwybrau troed, llwybrau beicio a llwybrau ceffylau yn Sir y Fflint wledig. Maer prosiect wedi cael tua £715K o gyllid gan Lywodraeth Cymru a Chronfa Amaethyddol Ewrop ar gyfer Datblygu Gwledig. Darparwyd ffynonellau cyllid eraill gan y Gronfa Drafnidiaeth Ranbarthol, y Gronfa Drafnidiaeth Leol a Chyngor Sir y Fflint ac mae tua £500,000 ar gael.