Newyddion Diweddaraf Cyngor Sir Y Fflint

Ymuno â Thrafodaeth y Gyllideb Fawr

Published: 01/09/2014

Mae cannoedd o bobl hyd yn hyn wedi cymryd rhan yn Sgwrs Cyllideb Fawr Cyngor Sir y Fflint, gan roi eu barn am wasanaethaur cyngor lleol ac ymuno yn y ddadl am y dewisiadau anodd sydd on blaenau. Ar hyn o bryd, maer Cyngor yn paratoi ar gyfer rhwng 1.5 y cant a 4.5 y cant o doriad yn ei gyllid gan Lywodraeth Cymru ar gyfer y flwyddyn nesaf. Ar 1.5 y cant byddai angen ir Cyngor ddod o hyd i arbedion o £12miliwn i gwrdd âr bwlch yn y gyllideb. Os ywr toriad mor fawr â 4.5 y cant, maer bwlch yn tyfu o £6miliwn ac yna bydd angen dod o hyd i £18miliwn o arbedion. Diolchodd Arweinydd y Cyngor Aaron Shotton i bawb sydd hyd yn hyn wedi llenwi ffurflen yn gofyn am farn pobl, syn ymddangos yn e-gylchgrawn newydd y Cyngor ac ar-lein. “Mae naw deg pedwar y cant o bron i 400 o bobl sydd hyd yn hyn wedi llenwir ffurflen yn dweud y dylai pob un ohonom leisio ein barn, fel bod llywodraethau cenedlaethol a Llywodraeth Cymru yn deall ein pryderon am y risgiau i wasanaethau lleol. Maen galonogol bod cynifer o bobl wedi cymryd yr amser i adael i ni wybod eu barn ac maer neges ganddynt yn glir iawn. Er mwyn ymateb ir pwysau ariannol sylweddol yn y pen draw bydd yn rhaid gwneud dewisiadau mawr, gan gynnwys blaenoriaethu rhai gwasanaethau dros eraill, lleihau neu hyd yn oed atal rhai gwasanaethau, disgwyl i bobl deithio ymhellach am wasanaeth, disgwyl i bobl dalu mwy lle mae yna dâl ar hyn o bryd a chyflwyno taliadau newydd am wasanaethau sydd ar gael am ddim. Bydd holl wasanaethau’r Cyngor yn cael eu craffu gan gynnwys addysg, gwasanaethau cymdeithasol, gwasanaethau hamdden, llyfrgelloedd a chasgliadau gwastraff. Ychwanegodd y Cynghorydd Shotton: “Rydym yn gobeithio y bydd pobl yn parhau i gymryd rhan yn y ddadl dros yr wythnosau nesaf a helpu i gynllunio’r dyfodol gyda ni wrth i ni baratoi i wneud dewisiadau mawr y flwyddyn nesaf ac yn y blynyddoedd i ddod. Ar gael ar wefan y Cyngor tan 12 Medi, maer ffurflen yn gofyn i bobl a ydynt yn cefnogi rhai or dewisiadau fydd angen eu gwneud yn y dyfodol. Maen gofyn a ddylai mwy o wasanaethau gael eu cyfuno â chynghorau cyfagos; a ddylai mwy o wasanaethau fod yn berchen i a chael eu rhedeg gan bobl leol ac a ddylid gofyn i gynghorau tref a chymuned a chymunedau lleol wneud mwy. Gall pobl ymuno âr sgwrs drwy ymweld â www.flintshire.gov.uk/FCCBudget lle gallant hefyd danysgrifio i www.flintshire.gov.uk/emagazine e-gylchgrawn newydd y Cyngor neu ddilyn y sgwrs ar Twitter@FlintshireCC. Mae copïau papur or ffurflen ar gael mewn llyfrgelloedd, Canolfannau Cyswllt neu dderbynfeydd eraill y Cyngor. Y dyddiad cau, ar-lein a thrwyr post yw dydd Gwener 12 Medi. Yn hwyr yn yr hydref mae cyfres o ymgynghoriadau cyhoeddus yn cael eu trefnu i rannu opsiynau ar gyfer y dyfodol a dewisiadau’r gyllideb. Bydd dyddiadau a lleoliadaur digwyddiadau hyn yn cael eu hysbysebun eang. Bydd canlyniadaur sgwrs yn cael eu cyhoeddi yn ddiweddarach yn y flwyddyn ar wefan y Cyngor ac yn e-gylchgrawn y Cyngor.