Newyddion Diweddaraf Cyngor Sir Y Fflint

Wythnos Fusnes Sir y Fflint yn dechrau

Published: 06/10/2014

Mae Wythnos Fusnes Sir y Fflint 2014 ar fin dechrau! Cynhelir y digwyddiad eleni rhwng 7 a 10 Hydref. Y prif noddwyr eleni yw: AGS Security Systems (yn noddi Gwobrau Busnes Sir y Fflint) Westbridge Furniture Designs (Arddangosfa Fusnes) Mae Wythnos Fusnes Sir y Fflint bellach yn un o’r digwyddiadau pwysicaf oi fath yn y rhanbarth, gan ddenu tua 2,000 o fusnesau bob blwyddyn. Maen cefnogi cymuned fusnes y sir, yn ogystal â busnesau o’r rhanbarth ehangach, i hyrwyddo eu cwmnïau, i ddatblygu cyfleoedd masnachu ac i godi proffil yr ardal fel lle i fuddsoddi ynddo. Maer rhaglen wedi cael ei datblygu i ddiwallu anghenion busnesau lleol a bydd y pwyslais ar y diwydiant gweithgynhyrchu ac ar helpu busnesau i dyfu a llwyddo yn y cyfnod economaidd heriol sydd ohoni. Bydd yr uchafbwyntiau eleni yn cynnwys: Yr Economi Ranbarthol pan fydd y siaradwyr yn amlygu pynciau gan gynnwys llwyddiant busnes, datblygu economaidd strategol, cyflwr y genedl a Chynghrair Gogledd Cymru a Merswy Dyfrdwy. Coleg Cambria, Glannau Dyfrdwy ywr lleoliad ar gyfer yr Arddangosfa Fusnes ar 8 Hydref syn cynnwys stondinau i arddangos busnesau lleol yn ogystal â seminarau ar dwf swyddi yng Nghymru, y cyfryngau cymdeithasol a chyflwyniad i Busnes Cymru. Ar 9 Hydref, bydd Airbus, sy’n dathlu 75 mlwyddiant ym Mrychdyn, yn cynnal Busnes Gogledd Cymru, lle bydd siaradwyr yn trafod tueddiadau gweithgynhyrchu yn y Deyrnas Unedig, y byd academaidd, gweithgynhyrchu uwch a phrentisiaethau. Gweithio gydan Gilydd ywr thema ar 10 Hydref pan fydd digwyddiad rhwydweithio, Rhwydwaith Entrepreneuriaeth Busnes a siaradwr or cwmni tai Cartrefi Gogledd Ddwyrain Cymru yn sôn am gyfleoedd newydd ar gyfer datblygu tai yn Sir y Fflint. I gloir Wythnos Fusnes, cynhelir Cinio Gala Gwobrau Busnes Sir y Fflint y ceir mynediad iddo trwy wahoddiad yn unig yn Neuadd Sychdyn ar 17 Hydref gyda gwobrau ar gyfer busnesau lleol mewn 10 categori, gan gynnwys Busnes y Flwyddyn a Pherson Busnes y Flwyddyn. Dywedodd y Cynghorydd Derek Butler, yr Aelod Cabinet dros Ddatblygu Economaidd, Mae Wythnos Fusnes Sir y Fflint yn helpu ein busnesau lleol ac yn rhoi ein hardal ar y map. Maen bartneriaeth unigryw a llwyddiannus iawn rhwng y sectorau cyhoeddus a phreifat. Ar ran y Cyngor, rydw i eisiau diolch yn ddiffuant in holl noddwyr ac i’n partneriaid syn gweithio mor galed gyda thîm Datblygu Busnes y Cyngor i wneud y digwyddiad hwn yn bosib. I gael rhagor o wybodaeth am yr holl ddigwyddiadau a gynhelir yn ystod yr Wythnos Fusnes, ewch i www.flintshirebusinessweek.co.uk neu cysylltwch â thîm yr Wythnos Fusnes ar 01352 703219.