Newyddion Diweddaraf Cyngor Sir Y Fflint

Grant diogelwch y ffyrdd 2014-15

Published: 22/04/2014

Mae Cyngor Sir y Fflint newydd gael ychydig dros £300,000 gan Lywodraeth Cymru ar gyfer cynlluniau diogelwch y ffyrdd ac i ddal ati gyda hyfforddiant codi ymwybyddiaeth o ddiogelwch y ffyrdd. Bydd yr arian yn cael ei ddefnyddio i wella ffyrdd y B5151 yn Nhrelawnyd, y B5441 o Queensferry i Garden City, Stryd Fawr Bagillt a’r B5125 o Ewlo i Benarlâg a fydd yn costio cyfanswm o £200,000. Bydd y £103,000 sy’n weddill yn cael ei wario ar godi ymwybyddiaeth, sef hyfforddiant i feicwyr modur, Pass Plus a sesiynau ymwybyddiaeth cyn gyrru i yrwyr ifanc, gweithdai datblygu gyrwyr hyn a hyfforddiant sgiliau cerddwyr i blant. Meddai’r Cynghorydd Bernie Attridge, Dirprwy Arweinydd ac Aelod Cabinet dros yr Amgylchedd: “Rwy’n falch iawn o gael dweud fod ein bod wedi llwyddo i gael arian ar gyfer ein pedwar cynllun diogelwch y ffyrdd a chael arian hefyd ar gyfer mentrau ymwybyddiaeth diogelwch a hyfforddiant i grwpiau bregus o ddefnyddwyr ffyrdd sydd mewn mwy o berygl na’r cyffredin. “Fel yn y blynyddoedd o’r blaen, byddwn yn gweithio mewn partneriaeth gyda’n hawdurdodau lleol cyfagos i ddarparu mentrau hyfforddiant ac ymwybyddiaeth diogelwch. Mae’r mesurau hyn yn adeiladu ar ein llwyddiant ynghynt gyda Llwybrau Diogel mewn Cymunedau, sydd, gyda’i gilydd, yn gwneud cyfraniad positif i ddiogelwch y ffyrdd.”