Newyddion Diweddaraf Cyngor Sir Y Fflint
Her Darllen yr Haf
Published: 10/10/2014
Cafodd plant a gwblhaodd Her Darllen yr Haf yn Llyfrgell yr Wyddgrug dau drêt
ychwanegol pan ddaethant i gasglu eu medelau, ddydd Sadwrn 13 Medi.
Y thema ar gyfer Her Darllen yr Haf eleni oedd y Chwilfa Chwedlau a gwahoddwyd
y plant a fu’n cymryd rhan yn Llyfrgell yr Wyddgrug i farcio eu cynnydd drwy
dair cam yr her drwy roi canw gyda’u henw arno ar y bwrdd. Yna fe eisteddodd
rhywun yn y canw ac yn olaf, roedd ganddynt badlau i’w helpu i groesi’r llinell
derfyn ar y bwrdd gyda phos jig-so enfawr yn darlunio drysfa o ddyfrffyrdd.
Cytunodd Clwb Canwio yr Wyddgrug i ddod draw ir llyfrgell i siarad â
theuluoedd am y gamp a rhannu rhai ou hanturiaethau dwr gwyn. Cafodd y plant
gyfle i eistedd yn y cychod a gwisgo rhywfaint o’r cit a defnyddio’r padlau
drostynt eu hunain.
Ar ran Clwb Canwio Wyddgrug, dywedodd Robert Dixon: “Pan gysylltodd Llyfrgell
yr Wyddgrug â ni, roeddem yn hapus iawn i helpu gydau diwrnod gwobrwyo a
hyrwyddo Chwaraeon Padlo yng Ngogledd Cymru. Roedd hi’n wych gweld y plant yn
rhoi cynnig ar y cychod a’r offer, a gobeithio y bydd hyn yn eu hannog i roi
cynnig ar ganwio yn un on sesiynau yn y pwll a fydd yn cael eu cynnal yn fuan
ym Mhwll Nofio Cei Connah.
Yn ogystal, roedd Llyfrgell yr Wyddgrug yn un o 200 o lyfrgelloedd ar draws y
DU a fu’n dosbarthu llyfr Diary of a Wimpy Kid am ddim, yn rhan o brosiect
‘Just Read’ a gefnogwyd gan elusen genedlaethol The Reading Agency ar
cyhoeddwr llyfrau plant Puffin. Pwysleisiodd y prosiect pa mor hanfodol yw
llyfrgelloedd ar gyfer llythrennedd y genedl, a bod modd i lyfrau megis Diary
of a Wimpy Kid helpu plant ar eu taith darllen. Dosbarthodd Llyfrgell yr
Wyddgrug 50 copi am ddim o Diary of a Wimpy Kid.
Mae miloedd o blant Sir y Fflint wedi cymryd rhan yn Sialens Ddarllen yr Haf
eto eleni. Maer bartneriaeth unigryw rhwng The Reading Agency a llyfrgelloedd
cyhoeddus ledled y DU, wedi gweld Aelodau Seneddol, llyfrgelloedd, ysgolion a
llu o awduron plant enwog gan gynnwys Jacqueline Wilson a Michael Morpurgo, yn
annog plant 4-11 oed i ymuno â llyfrgell a darllen er pleser yn ystod gwyliaur
haf.
I gael rhagor o fanylion am y Clwb Canwio, ewch i wefan www.moldcanoeclub.co.uk
Pennawd y Llun: Aelodau o Glwb Canwio Wyddgrug a defnyddwyr y llyfrgelloedd a
fu’n rhan o her darllen y llyfrgell.