Newyddion Diweddaraf Cyngor Sir Y Fflint

Meddwl am fwyta allan y Nadolig hwn?

Published: 07/11/2014

Os ydych chin cynllunio’r pryd bwyd Nadolig arbennig hwnnw gyda chydweithwyr, ffrindiau neu deulu, hoffai’r Asiantaeth Safonau Bwyd eich atgoffa i ‘edrych cyn archebu. Maer Nadolig yn amser i fwynhau cwmni da a bwyd da heb boeni am wenwyn bwyd. Ond y gwir yw, ni allwch ddweud beth yw safonau hylendid bwyty yn ôl pa mor lân a thacluso maer staff yn edrych neu drwy ba mor brysur yw hi. Y pethau na fedrwch chi eu gweld - fel germau sy’n cael eu lledaenu gan arferion hylendid gwael - sydd angen i chi eu hystyried. Mae un ffordd hawdd i dawelu’ch meddwl - edrychwch ar y sgôr hylendid bwyd. Maer sgôr hylendid bwyd yn dweud wrthych am safonau hylendid mewn bwytai a busnesau bwyd eraill. Maen hawdd iawn i’w wirio. Ewch ar-lein a gwiriwch wefan yr Asiantaeth Safonau Bwyd: www.food.gov.uk/ratings neu os ydych chi hwnt ac yma cadwch lygad am y sticer gwyrdd a du; os na fedrwch chi weld un, holwch. Caiff y graddau eu penderfynu gan swyddogion diogelwch bwyd yr awdurdod lleol ac maent yn mynd o 0 -5, gyda graddfa 5 yn golygu lefel dda iawn o hylendid bwyd. Ers mis Tachwedd y llynedd, mae’n ofynnol i fusnesau bwyd yng Nghymru yn ôl y gyfraith i arddangos eu sticer sgôr yn dilyn arolygiad. Mae bron i 93 y cant o fusnesau bwyd â gradd 3 neun well, felly mae yna ddigon o lefydd gyda safonau da a gallwch yn hawdd osgoi mynd â’ch teulu ir rhai nad ydynt yn bodloni’r safonau. Os nad ydych yn gweld sticer gwyrdd a du yn y ffenestr neu os gwelwch sgôr isel ar-lein, gallwch wneud dewis mwy gwybodus. Mae Nina Purcell, Cyfarwyddwr yr Asiantaeth Safonau Bwyd yng Nghymru, yn cytuno: Y Nadolig hwn, gwnewch yr un peth hwn i gael tawelwch meddwl wrth fwyta allan. Cymerwch eiliad i edrych ar y sgôr hylendid bwyd, dewiswch y lle iawn, a mwynhau pryd o fwyd gwych allan. Dywedodd y Cynghorydd Kevin Jones, Aelod Cabinet Cyngor Sir y Fflint ar gyfer Strategaeth Wastraff, Diogelur Cyhoedd a Hamdden: Maen hawdd i bobl yn Sir y Fflint wirio sgoriau hylendid ar-lein a dewis bwyty syn cymryd hylendid bwyd o ddifrif ar gyfer eu partïon Nadolig. Mae hwn yn gyfnod pwysig i fusnesau lleol. Mae sgôr hylendid bwyd da yn rhywbeth i fod yn falch ohono, ac maen bwysig i ddefnyddwyr. Mwynhewch y Nadolig ond bwytewch yn ddiogel. I gael rhagor o wybodaeth, ewch i www.food.gov.uk/business-industry/caterers/hygieneratings