Newyddion Diweddaraf Cyngor Sir Y Fflint
Gweithdy mapiau archifol
Published: 22/04/2014
Dyma gyfle ichi gael gwybod mwy am yr amrywiaeth eang o fapiau a gedwir yn
Archifdy Sir y Fflint mewn gweithdy archifol.
Mae mapiau’n adnodd cyfoethog sy’n darparu gwybodaeth a all helpu gyda hanes
tai, hanes teuluol, prynu eiddo a hyd yn oed faterion terfynau cyfreithiol a
mynediad. Bydd y gweithdy’n sôn am y mathau o fapiau y mae’r Archifdy’n eu
cadw, yn dangos mwy am eu hanes ac yn egluro sut y gellwch gael y defnydd mwyaf
ohonynt yn eich ymchwil.
Mae’r gweithdy’n addas ar gyfer dechreuwyr ac ymchwilwyr profiadol ac fe’i
cynhelir yn Archifdy Sir y Fflint, Yr Hen Reithordy, Penarlâg ar ddydd Sadwrn
10 Mai o 11 y bore tan 1 y prynhawn.
Mae archebu’n hanfodol gan fod lleoedd yn brin, gyda’r gost yn £10 y pen.
Ffoniwch 01244 532364 neu e-bostiwch archives@flintshire.gov.uk i gael mwy o
wybodaeth.