Newyddion Diweddaraf Cyngor Sir Y Fflint
Cynlluniau i Ailddatblygu Y Fflint
Published: 06/11/2014
Bydd cynlluniau arfaethedig ar gyfer ailddatblygu safleoedd y maisonettes yn y
Fflint yn cael eu harddangos mewn digwyddiad cyhoeddus yn y dref yr wythnos
nesaf.
Bydd Cyngor Sir y Fflint yn cynnal y digwyddiad cyhoeddus yn yr Hen Lys, Y
Fflint ddydd Llun 10 Tachwedd o 12pm tan 7pm i ddangos taith rithwir i’r
gymuned leol a fydd yn rhoi syniad iddynt o olwg a theimlad y dref yn dilyn yr
ailddatblygiad.
Mae’r cynigion yn seiliedig ar Uwchgynllun y Fflint a gadarnhawyd yn 2012 ac ar
adborth o ddigwyddiadau ymgynghori blaenorol. Rhoddodd rhanddeiliaid, gan
gynnwys trigolion a busnesau lleol, eu barn am gryfderau a heriau’r dref gan
gynnwys ymddangosiad ffisegol gwael y maisonettes a’r angen i sicrhau fod
ardaloedd y dref yn cael eu cysylltu’n well.
Cyflwynir y cynigion ar ffurf model 3d ar sgrin fawr a fydd yn dangos gosodiad
arfaethedig y tai newydd, ffyrdd, mannau cyhoeddus ac adeiladau allweddol. Nod
y cynigion yw datblygu y Fflint fel tref hyfyw a deniadol sy’n gwasanaethu
anghenion y gymuned bresennol yn well a hefyd fel tref sy’n gallu denu pobl o’r
tu allan i’r dref.
Meddai’r Cynghorydd Helen Brown, Aelod o’r Cabinet dros Dai: “Hoffem wahodd
pobl y Fflint draw i’r digwyddiad galw heibio a mynd ar daith rithwir drwy’r
cynigion newydd gwych.
“Bydd digon o gyfleoedd i holi cwestiynau a rhoi adborth i’r Cyngor Sir, a bydd
adborth o’r sesiwn hon yn cael eu cymryd i ystyriaeth wrth gadarnhau’r cynigion
datblygu.”