Newyddion Diweddaraf Cyngor Sir Y Fflint
Twyll Ad-daliad
Published: 10/11/2014
Hysbyswyd tîm Safonau Masnach Cyngor Sir y Fflint bod trigolion y sir yn derbyn
nifer o alwadau ffôn gan bobl yn honni eu bod yn gweithio i’r Cyngor. Mae’r
galwyr digroeso yma’n hysbysu trigolion eu bod yn gymwys i gael ad-daliad a
dywedwyd wrth un preswylydd fod ei eiddo wedi ei ail-fandio a’i fod yn gymwys i
gael ad-daliad.
Mae’r twyllwyr yma’n ceisio annog pobl i ddarparu eu manylion banc ac mae ar
Gyngor Sir y Fflint eisiau ei wneud yn glir i drigolion na fyddan nhw byth yn
cysylltu â neb dros y ffôn i roi gwybod eu bod yn gymwys i gael ad-daliad.
Yn hytrach, byddair Cyngor yn ysgrifennu at drigolion neu byddair swm yn cael
ei ad-dalu’n awtomatig i gyfrif banc sydd gan y Cyngor gofnod ohono.
Mae ar Safonau Masnach Sir y Fflint eisiau atgoffa trigolion i beidio â darparu
manylion personol neu fanc i unrhyw alwr digroeso heb wirio dilysrwydd y galwr
yn drylwyr. Defnyddiwch rif ffôn o ffynhonnell ddibynadwy, nid gan alwr
digroeso.
Dywedodd y Cynghorydd Kevin Jones, Aelod Cabinet Strategaeth Gwastraff,
Gwarchod y Cyhoedd a Hamdden:
“Hoffwn annog pawb i fod yn wyliadwrus o’r mathau yma o dwyll a gweithgareddau
troseddol wrth i ni nesáu at y Nadolig. Os ydych chi’n ansicr o unrhyw beth
peidiwch â darparu unrhyw fanylion, a rhowch wybod i’r sefydliad perthnasol neu
ffoniwch Safonau Masnach.
Rhowch wybod am unrhyw ddigwyddiad i Gyngor i Ddefnyddwyr ar 03454 04 05 06.