Newyddion Diweddaraf Cyngor Sir Y Fflint

Hunanariannur Cyfrif Refeniw Tai

Published: 18/11/2014

Cafodd Aelodau ddiweddariad mewn cyfarfod heddiw (ddydd Mawrth 18 Tachwedd) ynglyn â hunanariannu ar gyfer tai’r Cyngor a fydd yn arwain at wariant o £14m gan Gyngor Sir y Fflint ar dai cyngor newydd. Bydd newidiadau i’r trefniadau ariannu ar gyfer tai cyngor yng Nghymru yn dod i rym ym mis Ebrill 2015 a bydd pob tenant yn Sir y Fflint yn cael gwell cartref wrth i’r Cyngor elwa o £1 miliwn yn ychwanegol bob blwyddyn i’w wario ar wasanaethau tai. Hefyd, bydd modd dechrau ar y gwaith o adeiladu tai cyngor newydd sy’n brin ledled y Sir. Bydd y Cyngor yn cynnal gweithdy tenantiaid ac aelodau i drafod y newidiadau arwyddocaol hyn yn fwy manwl ac i ystyried cynigion ynglyn â sut y dylid datblygu’r Cyfrif Refeniw Tai. Mae diweddariadau rheolaidd wedi’u rhoi mewn cynadleddau tenantiaid ac i’r Ffederasiwn Tenantiaid. Meddai’r Cynghorydd Helen Brown, Aelod o’r Cabinet dros Dai: “Bydd y Cyfrif Refeniw Tai yn elwa o £1m o refeniw ychwanegol bob blwyddyn, a fydd yn adnodd ychwanegol i fuddsoddi mewn cartrefi tenantiaid a chyflawni Safon Ansawdd Tai Cymru erbyn 2020. Mae pob cam yn y broses yn dod â ni’n nes at adeiladu tai cyngor newydd a dylai’r gwaith adeiladu gychwyn ar ddechrau 2016.”