Newyddion Diweddaraf Cyngor Sir Y Fflint

Cynllun Bathodyn Glas Diwygiedig

Published: 11/12/2014

Mi fydd newidiadau i’r cynllun Bathodyn Glas yn cael eu trafod yng Nghabinet Cyngor Sir y Fflint ar Ddydd Mawrth 16 Rhagfyr. Mae proses dyrannu a gorfodaeth ynghylch Bathodynnau Glas yn y sir yn newid. Mi fydd ymgeiswyr newydd nad ydynt yn cyrraedd y meini prawf awtomatig yn derbyn asesiadau wyneb yn wyneb mewn un o ganolfannau Sir y Fflint yn Cysylltu. Nid oes angen i’r Cyngor gysylltu â meddygon teulu ar gyfer tystiolaeth feddygol gefnogol bellach; yn hytrach mi fydd y cwsmer yn gallu defnyddio ei dystiolaeth ei hun er mwyn cefnogi ei gais, er enghraifft, presgripsiynau, asesiadau therapydd galwedigaethol ac addasiadau i’w dy. Ni fydd angen i ymgeiswyr sy’n cymhwyso am Fathodyn Glas yn awtomatig angen mynychu apwyntiad asesu, ond mi fydd angen iddynt lenwi ffurflen gais. Cynigir hefyd bod y Cyngor yn cyflwyno ffi o £10 ar gyfer Bathodyn Glas newydd. Mi fydd gofyn hefyd i aelodau’r Cabinet fabwysiadu gorfodi parcio Bathodyn Glas drwy’r Gwasanaeth Gorfodi Parcio Sifil. Mae Swyddogion Gorfodi Parcio Sifil yn aml yn dystion i gamddefnyddio bathodynnau glas. Os caiff gorfodi ei gymeradwyo gan y Cabinet, yna mi fydd gennyn nhw’r pwer, lle bo’r angen, i gadw’r bathodyn, os oes ganddynt resymau digonol i gredu bod y bathodyn yn ffug neu’n cael ei gamddefnyddio mewn unrhyw ffordd. Dywedodd y Cynghorydd Bernie Attridge, Aelod Cabinet dros yr Amgylchedd ar Dirprwy Arweinydd, “Mi fydd y cynllun Bathodyn Glas diwygiedig yn sicrhau gwasanaeth llawer gwell a mwy effeithlon i’n cwsmeriaid. Mae camddefnyddio bathodynnau’n broblem a dwi’n croesawu gorfodaeth ynghylch defnyddio bathodynnau glas ochr yn ochr â Gorfodi Parcio Sifil.