Newyddion Diweddaraf Cyngor Sir Y Fflint
Cwmni newydd NEW Housing
Published: 01/05/2014
Cyngor Sir y Fflint yw’r awdurdod cyntaf yng Nghymru i sefydlu ei gwmni tai ei
hun.
Y bwriad yw ymateb ir heriau syn wynebu preswylwyr syn ceisio cael gafael ar
dai fforddiadwy. Mae NEW Homes (Cartrefi Gogledd-ddwyrain Cymru) wedi’i sefydlu
gan y Cyngor i gynyddu opsiynau tai sydd ar gael i drigolion lleol. Bydd yn
cynnig nifer o wasanethau rheoli tai wedi’u teilwra a’u llunio i gynyddu maint
a gwella ansawdd tai fforddiadwy ledled y sir.
Yn ogystal â rhentu ei eiddo ei hun, bydd gan NEW Homes hefyd nifer o gynigion
i landlordiaid sydd i gyd yn cynnwys gwasanaeth ‘tenant parod’. Mae’r cwmni’n
cynnig gwasanaeth rheoli gosod tai ac eiddo llawn ac yn darparu cynnig unigryw
hefyd i berchnogion tai dros 55 oed i brydlesu eu tai i’r cwmni a chael
mynediad at letyau addas gan y cyngor.
Cyngor Sir y Fflint sy’n berchen ar NEW Homes ac mae wedi’i sefydlu fel cwmni a
gyfyngir gan gyfranddaliadau gyda phwerau di-gyfyngiad. Y Cyngor yw’r unig
randdeiliad ac mae’r bwrdd yn cynnwys wyth cyfarwyddwr ac mae pump o’r rheiny
yn gynghorwyr, un yn swyddog y cyngor a dau yn gyfarwyddwyr annibynnol sydd â
phrofiad yn y maes tai.
Meddai’r Cynghorydd Helen Brown, Aelod o’r Cabinet dros Dai:
Rwy’n hynod falch fod Cyngor Sir y Fflint yn parhau i weithio’n rhagweithiol i
ddiwallu anghenion tai ein preswylwyr drwy sefydlu NEW Homes a fydd yn gwella
opsiynau tai sydd ar gael i’n preswylwyr yn fawr iawn.
Meddai’r Cynghorydd Aaron Shotton, Arweinydd Cyngor Sir y Fflint:
Rydym am ddarparu opsiwn tai fforddiadwy newydd i bobl leol, sydd naill ai’n
methu â fforddio talu rhenti uchel landlordiaid preifat, a neu, nad ydynt yn
gymwys i gael ty Cyngor. Mae gormod o bobl leol, yn aml pobl ifanc, yn canfod
fod tai rhentu preifat yn anfforddiadwy ac allan o’u cyrraedd, ac rwy’n falch
iawn mai Cyngor Sir y Fflint yw’r Cyngor cyntaf yng Nghymru i gymryd camau
uniongyrchol i fynd i’r afael â’r broblem.”
I ganfod mwy am y cwmni a’r gwasanaethau a gynigir, edrychwch ar wefan NEW
Homes www.northeastwaleshomes.co.uk neuffoniwch NEWHomes ar 01352 701400.