Newyddion Diweddaraf Cyngor Sir Y Fflint
Agoriad Swyddogol – Sir y Fflint yn Cysylltu
Published: 09/05/2014
Bydd canolfan newydd y cwsmer y Cyngor yn y Fflint yn cael ei hagor yn
swyddogol gan Lesley Griffiths AC, y Gweinidog Llywodraeth Leol a Busnes y
Llywodraeth a’r Cynghorydd Bernie Attridge, Dirprwy Arweinydd y Cyngor ddydd
Gwener 16 Mai.
Yn y ganolfan, ar Stryd yr Eglwys, bydd cwsmeriaid yn gallu cael gwybodaeth a
chysylltu â gwasanaethau allweddol y Cyngor Sir, gan gynnwys tai, Streetscene,
cyngor ar fudd-daliadau a lles, Bathodynau Glas, Teithio Rhad a Threth y
Cyngor. Gan adeiladu ar lwyddiant canolfan gyntaf Sir y Fflint yn Cysylltu, yn
Nhreffynnon, mae’r Cyngor wedi gweithio unwaith eto mewn partneriaeth gyda
Chanolfan Byd Gwaith a Mwy a Heddlu Gogledd Cymru i ddarparu gwasanaethau
cyhoeddus cydgysylltiedig ar gyfer trigolion lleol mewn amgylchedd modern a
chroesawgar.
Mae’r ganolfan ar lawr cyntaf Swyddfeydd y Sir, yn union gyferbyn â’r
Llyfrgell, ac mae ar agor o 8.30am tan 6pm dydd Llun i ddydd Gwener ac o 9am
tan 12 hanner dydd ar ddydd Sadwrn.
Mae yno hefyd beiriant talu hunan wasanaeth a fydd yn galluogi pobl i dalu
unrhyw gyfrif y Cyngor Sir a bydd aelodau Undeb Credyd Sir y Fflint ac Undeb
Credyd Gogledd Cymru yn gallu ei ddefnyddio i dalu i mewn. Bydd Ymgynghorwyr
Gwasanaeth y Cwsmer Sir y Fflint yn Cysylltu wrth law i helpu cwsmeriaid i
ddefnyddio’r peiriannau newydd hyn.
Nodyn i Olygyddion
Cyfle am lun – Fe’ch gwahoddir i anfon newyddiadurwr a ffotograffydd i’r
agoriad swyddogol Sir y Fflint yn Cysylltu, llawr gwaelod swyddfa Cyngor Sir y
Fflint, Stryd yr Eglwys, y Fflint ddydd Gwener 16 Mai am 2.15pm.