Newyddion Diweddaraf Cyngor Sir Y Fflint

Grant Diogelwch ar y Ffyrdd – Ffordd yr Wyddgrug, Ffordd Llanarth a’r Stryd Fawr, Cei Connah

Published: 13/08/2019

Yn dilyn dyfarniad llwyddiannus o gyllid Llywodraeth Cymru o dan y fenter Grant Diogelwch ar y Ffyrdd, mae Cyngor Sir y Fflint yn falch o gyhoeddi bod gwaith i weithredu pecyn o welliannau diogelwch ar y ffyrdd ar Ffordd yr Wyddgrug, Ffordd Llanarth a'r Stryd Fawr, Cei Connah wedi’i gwblhau.

Mae hyn yn cynnwys:

• Arwyddion Rhybudd Ysgol rhyngweithiol; 
• adeiladu troedffordd ar hyd Clivedon Road i gysylltu â Hollowbrook Drive;
• gosod Croesfan Sebra ar Ffordd yr Wyddgrug;
• gwella arwyddion ffyrdd a gwaith marcio ar y ffordd fawr ac ail-wynebu’r ffordd fawr mewn cyffyrdd allweddol. 

Dywedodd Aelod Cabinet Strydwedd a Chefn Gwlad, y Cynghorydd Carolyn Thomas;

“Rwy’n falch iawn, ynghyd â’r holl gynghorwyr lleol yn yr ardal, bod y gwaith hwn wedi cael ei gwblhau yn llwyddiannus.  Bydd y gwelliannau diogelwch hyn yn sicrhau bod y plant yn ddiogel ar eu ffordd i'r ysgol ac adref o'r ysgol. Mae’r cynllun hefyd yn gwella hyfywedd a dulliau egnïol o deithio er lles y gymuned leol.”