Newyddion Diweddaraf Cyngor Sir Y Fflint
Calendr Digwyddiadau Cefn Gwlad 2015
Published: 13/05/2014
Mae cystadleuaeth i ganfod ffotograffau ar gyfer calendr digwyddiadau cefn
gwlad Sir y Fflint 2015 yn chwilio am geisiadau ar gyfer y gwanwyn. Y thema
eleni yw ‘Pobl yn mwynhau Cefn Gwlad Sir y Fflint’.
Trefnir y gystadleuaeth gan Wasanaeth Cefn Gwlad Cyngor Sir y Fflint ac mae’r
ceisiadau ar gyfer pob tymor yn cael eu harddangos yng Nghanolfan Ymwelwyr Parc
Gwepra. Yna mae’r cyhoedd yn cael pleidleisio am y ceisiadau buddugol.
Defnyddir y lluniau yn y calendr a bydd y ffotograff sy’n ennill y
gystadleuaeth gyfan yn ymddangos ar y clawr. Enillwyr adran y gaeaf ar gyfer
2015 yw Stephen Warrilow a Josie Towers.
Mae’r gystadleuaeth bellach ar agor i geisiadau ar gyfer gwanwyn 2015. Mae
angen anfon y lluniau erbyn 6 Mehefin a byddant yn cael eu harddangos yn y parc
rhwng 16 a 30 Mehefin. Gall pob ymgeisydd gyflwyno uchafswm o bump llun.
E-bostiwch neu anfonwch ddisg o’ch ffotograffau dewisedig (gofalwch eu bod yn
fwy na 1mB (megabyte) o faint) i Ganolfan Ymwelwyr Parc Gwepra, Parc Gwepra,
Cei Connah, Sir y Fflint CH5 4HL neu
calendarphotocompetition@flintshire.gov.uk gan nodi tymor y gwanwyn a’ch enw,
eich oedran, eich cyfeiriad a’ch rhif ffôn.
Rhaid i’r ffotograff fod yn waith gwreiddiol; ni dderbynnir unrhyw gyfraniadau
proffesiynol. Ni ddylid cynnwys lluniau o blant oni bai fod eu henwau wedi’u
cynnwys yn ogystal â chaniatâd eu rhieni/gwarcheidwad, a dylent hefyd nodi eu
bod yn caniatáu i’r llun gael ei ddefnyddio. Ni allwn ddychwelyd ffotograffau
ac ar ôl iddynt gael eu cyflwyno byddant yn eiddo i’r Gwasanaeth Cefn Gwlad i’w
defnyddio mewn cyhoeddiadau a rhaglen ddigwyddiadau 2015.
Am fwy o wybodaeth edrychwch ar www.siryfflint.gov.uk, tudalen Facebook Parc
Gwepra neu drwy ffonio’r pac ar 01244 814931.