Newyddion Diweddaraf Cyngor Sir Y Fflint
Erlyn oherwydd ci yn baeddu
Published: 14/05/2014
Mae dynes o Sir y Fflint wedi cael ei herlyn a’i dirwyo am fethu â glanhau ar
ôl ei chi.
Erlynwyd Mrs Jane Taylor, 47 Stryd Gaer, Shotton, gan Gyngor Sir y Fflint yn
Llys y Goron, Wrecsam, ddydd Iau 8 Mai am beidio â chael gwared â baw ci a
pheidio â rhoi ei manylion.
Cyflawnwyd y troseddau ym Maes 33 yn Shotton ym mis Chwefror. Plediodd Mrs
Taylor yn euog i’r ddwy drosedd a chafodd gyfanswm o £542.60 o ddirwy.
Menter gan y Cyngor yw’r Ymgyrch Glanhau i dargedu perchnogion cwn anghyfrifol
ac unrhyw un sy’n troseddu trwy daflu sbwriel, tipio’n anghyfreithlon a gosod
graffiti. Dim goddefgarwch yw safiad y Cyngor ar y troseddau hyn. Mae’r rhai
sy’n cael eu dal yn derbyn hysbysiad cosb benodedig o £75.
Cynhelir patrolau’n gyson mewn ardaloedd eraill ar draws y sir.
Meddai’r Cynghorydd Kevin Jones, Aelod o’r Cabinet dros Warchod y Cyhoedd,
Gwastraff ac Ailgylchu:
“Mae’r Ymgyrch Glanhau yn parhau, gan ddangos bod Cyngor Sir y Fflint yn
benderfynol o lanhau’r sir. Bydd pobl sy’n cyflawni’r troseddau
gwrthgymdeithasol hyn yn derbyn dirwyon a byddwn yn erlyn unrhyw un sy’n
anwybyddu dirwy.”
Gall pobl roi gwybod am achosion o gwn yn baeddu, am daflu sbwriel, tipio
anghyfreithlon a graffiti trwy gysylltu â’r rhif 01352 701234 neu e-bostio
dogfouling@flintshire.gov.uk. A wnewch chi nodi’r amser, y lle ac enwau’r
troseddwyr os oes modd.