Newyddion Diweddaraf Cyngor Sir Y Fflint

Llwybr troed newydd wedii gwblhau

Published: 14/12/2015

Mae gwaith ar lwybr troed newydd i wella diogelwch ger Ysgol Uwchradd Argoed wedi’i gwblhau. Dynodwyd y gwaith ar Bryn Road, Bryn y Baal yn flaenoriaeth gan Gyngor Sir y Fflint ar ôl iddo ddiogelu £247,000 o arian ‘Llwybrau Diogel mewn Cymunedau’ gan Lywodraeth Cymru yn dilyn ymgyrch i osod llwybr troed ar y ffordd brysur er mwyn gwneud yr ardal yn fwy diogel i fyfyrwyr sy’n cerdded i’r ysgol. Meddai’r Cynghorydd Bernie Attridge, Dirprwy Arweinydd ac Aelod Cabinet dros yr Amgylchedd: “Rwy’n falch iawn fod y gwaith wedi’i gwblhau ar amser. “Mae’r llwybr hwn yn cael ei ddefnyddio gan ddisgyblion ysgol a phreswylwyr yn ddyddiol a bydd y llwybr troed newydd a’r groesfan sebra yn gwella diogelwch i bawb.” Nodyn i Olygyddion Bydd y Cynghorydd Bernie Attridge yn cyfarfod â chynghorwyr lleol a chynrychiolwyr o Ysgol Uwchradd Argoed i archwilio’r llwybr newydd am 9.30am ddydd Mercher, 16 Rhagfyr. Fe’ch gwahoddir i anfon ffotograffydd.