Newyddion Diweddaraf Cyngor Sir Y Fflint
Cyngor Sir y Fflint yn cyhoeddi cynlluniau i adeiladu tai Cyngor newydd
Published: 04/06/2014
Mae 25 mlynedd wedi bod ers i Gyngor Sir y Fflint adeiladu ei dy cyngor
diwethaf ond wrth i system cymhorthdal tai ddod i ben, mae cynlluniau yn eu lle
i’r cyfnod nesaf o gartrefi i gael eu datblygu.
Mae Cynigion i roi terfyn ar system gymhorthdal Cyfrif Refeniw Tai Cymru yn
golygu bod y Cyngor bellach yn bwriadu adeiladu tua 100 o dai cyngor dros y
chwe blynedd nesaf.
Fe’i cynlluniwyd yn wreiddiol i ddosbarthur refeniw rhent a dderbyniwyd gan
gynghorau lleol yn deg fel bod rhenti a delir gan denantiaid ar draws y DU yn
dal yn gymharol, ond arweiniodd y cynllun at lawer o gynghorau mewn cymhorthdal
negyddol, heb gynnig unrhyw gymhellion i adeiladu tai newydd.
Cymru oedd y lle olaf yn y DU i weithredur system gymhorthdal a ddiddymwyd ar
ddiwedd y llynedd yn dilyn trafodaethau llwyddiannus rhwng Llywodraeth Cymru a
Thrysorlys y DU. Gall arbedion a wneir yn awr gael eu defnyddio i fuddsoddi yn
y stoc dai. Bydd gan awdurdodau lleol fwy iw wario ar sicrhau bod eu cartrefi
yn cyrraedd Safon Ansawdd Tai Cymru a gallant ddewis adeiladu tai newydd.
Bydd datblygiadau tai yn cael eu hystyried mewn gwahanol leoliadau ar draws y
Sir gan ddefnyddio tir syn eiddo i Gyngor Sir y Fflint.
Dywedodd y Cynghorydd Aaron Shotton, Arweinydd y Cyngor:
“Rydym yn agos at wireddu ein gweledigaeth i ddechrau adeiladu tai Cyngor
unwaith eto a darparu cartrefi Cyngor newydd ar gyfer yr 21ain ganrif i
breswylwyr, bydd hyn hefyd yn helpur Cyngor i gwrdd âr angen cynyddol am dai
cymdeithasol yn y sir. Mae rhaglen o adeiladu tai Cyngor yn Sir y Fflint yn
ddyledus ers tro ac rwyn falch bod Cyngor Sir y Fflint yn arwain y ffordd yng
Ngogledd Cymru drwy fuddsoddi yn ein stoc tai, sydd o fudd i denantiaid a
chenedlaethau i ddod. Mae hwn yn gyfnod cyffrous iawn ir Cyngor ai holl
denantiaid.
Dywedodd y Cynghorydd Helen Brown, Aelod Cabinet dros Dai: “Ni adeiladwyd ty
cyngor newydd yn Sir y Fflint ers y 90au cynnar ac rwyn edrych ymlaen at weld
cynlluniau ar gyfer y cartrefi newydd. Bydd tenantiaid yn elwa o rai
datblygiadau gwych a dim ond ailddatgan ein hymrwymiad fel cyngor i gwrdd ag
anghenion tai fforddiadwy trigolion lleol mae’r cynlluniau hyn.”