Newyddion Diweddaraf Cyngor Sir Y Fflint
Croesawu Jade Jones adref
Published: 06/09/2016
Mae gan Gyngor Tref y Fflint ar y cyd â Chyngor Sir Y Fflint gynlluniau mawr i
groesawu Jade Jones, Pencampwr Olympaidd yn ôl adref.
I gydnabod llwyddiant Jade yng Ngemau Olympaidd 2016 yn Rio, bydd yr enillydd
medal aur ddwbl yn westai gwadd mewn derbyniad dinesig yn Neuadd y Dref, y
Fflint, a bydd yn teithio o amgylch ei thref enedigol mewn bws agored.
Cynhelir y digwyddiad mawr ddydd Sadwrn, 17 Medi 2016.
Bydd rhagor o fanylion, gan gynnwys amseroedd, yn cael eu cyhoeddi yn y wasg ac
ar wefannau’r Cyngor yn y dyddiau nesaf.
Dywedodd y Cynghorydd Ian Roberts, Maer y Fflint:
Rydym yn falch iawn o Jade a’i llwyddiant parhaus, ac yn edrych ymlaen at
barti croeso’n ôl y mae’n haeddu’n fawr iawn. Mae Cyngor Tref y Fflint yn
hapus iawn i’w anrhydeddu gyda’r derbyniad dinesig hwn. Rydym yn gobeithio y
bydd pobl Fflint yn dod i Neuadd y Dref i ddangos i Jade faint o feddwl sydd
gennym o’i llwyddiannau Olympaidd gwych.”
Dywedodd y Cynghorydd Aaron Shotton, Arweinydd Cyngor Sir y Fflint:
“Mae llwyddiannau y DU yn Rio wedi bod or radd flaenaf, ac mae’r ffaith fod
Jade, athletwr o Sir y Fflint, wedi cyfrannun sylweddol at leoliad Tîm GB ar
fwrdd yr arweinwyr yn ysbrydoledig iawn. Bydd Cyngor Sir y Fflint yn cefnogi
Cyngor Tref y Fflint wrth groesawu Jade adref mewn steil. Mae hin fodel rôl
wirioneddol i bobl ifanc sy’n tyfu i fyny yn Sir y Fflint ac yn dangos sut
gydag awydd gwirioneddol y gallwch gyflawni eich breuddwydion”
Dywedodd y Cynghorydd Kevin Jones, yr Aelod Cabinet Hamdden:
“Hoffwn longyfarch Jade yn bersonol, enillydd medal aur dwbl yn 23 oed, mae’n
ferch ifanc wirioneddol ysbrydoledig sydd wedi dangos, gyda gwaith caled
parhaus ac ymroddiad fod unrhyw beth yn bosibl. Byddwn yn gweithio dros y
misoedd nesaf i sicrhau bod ein rhaglenni datblygu chwaraeon yn adeiladu ar
lwyddiant Jade ac annog unrhyw un sydd am gymryd rhan mewn chwaraeon i fod yn
gallu cymryd rhan a gwirioni ar chwaraeon.”
Dywedodd Prif Weithredwr Cyngor Sir y Fflint, Colin Everett:
“Rwy’n gobeithio y bydd llwyddiant Jade yn ysbrydoli preswylwyr Sir y Fflint o
bob oedran i gymryd rhan mewn chwaraeon. Mae gan Taekwondo gysylltiadau lleol
cryf ac rwy’n siwr y bydd cynnydd mewn diddordeb i gyrsiau i ddechreuwyr yn
dilyn llwyddiant Olympaidd ysbrydoledig Jade.”