Newyddion Diweddaraf Cyngor Sir Y Fflint
Diwrnod Mawr y Ddyfrdwy – yr Ail Ymosodiad
Published: 19/06/2014
Mae paratoadau bellach yn dechrau o ddifrif ar gyfer Diwrnod Mawr y Ddyfrdwy –
yr Ail Ymosodiad - a fydd yn cael ei lansion swyddogol ar ddydd Gwener 27
Mehefin ym Mharc Gwledig Ty Mawr yn Wrecsam.
Maer digwyddiad yn apelio ar wirfoddolwyr a sefydliadau i helpu i waredu
planhigion ac anifeiliaid anfrodorol ymledol, megis clymog Japan, Jac y Neidiwr
a chranc mitten Tseina sydd wedi coloneiddio glannau Afon Dyfrdwy.
Yna bydd y cyhoedd yn cael eu gwahodd i ddiwrnod gwybodaeth ac arddangos a
gynhelir ar ddydd Sadwrn 28 Mehefin ym Mharc Gwledig Ty Mawr yn Wrecsam o
12.30pm. Bydd arddangosfeydd yn y ganolfan ymwelwyr a bydd trelar
Ymddiriedolaeth Bywyd Gwyllt Gogledd Cymru ger glan yr afon, ynghyd ag
arddangosiadau yn dangos i bobl beth yw’r gwahanol ffyrdd o reoli rhywogaethau
anfrodorol ymledol.
Bydd y diwrnod gwybodaeth yn rhoi cychwyn i gyfres o ddigwyddiadau a fydd yn
parhau ar draws y rhanbarth drwy gydol mis Gorffennaf. Maer digwyddiadau’n
agored i bawb ar draws yr ardal er mwyn helpu i fynd ir afael â rhywogaethau
estron ym mhob rhan o ddalgylch Afon Dyfrdwy, o darddiad yr afon ym Mharc
Cenedlaethol Eryri i Swydd Gaer hyd ar aber yr afon ym Mae Lerpwl.
Daw’r rhywogaethau estron hyn i Brydain naill ain ddamweiniol neun fwriadol a
gallant achosi problemau mawr i fywyd gwyllt brodorol, yn ogystal â chael
effeithiau eraill megis gwneud glannau afonydd yn fwy tueddol o erydu, a all
arwain at lifogydd.
Dywedodd y Cynghorydd Bernie Attridge, Aelod Cabinet Cyngor Sir y Fflint dros
yr Amgylchedd: “Maer digwyddiadau yma’n annog pobl i gyfrannu at wneud
gwahaniaeth go iawn i gefn gwlad o amgylch Afon Dyfrdwy. Os oes gan unrhyw un
ddiddordeb, mi ddylen nhw gysylltu efo’r Cyngor i ofyn sut mae cymryd rhan.
Mae pump o Wasanaethau Cefn Gwlad yr Awdurdodau Lleol, Awdurdod Parc
Cenedlaethol Eryri, Prosiect Rhywogaethau Ymledol Anfrodorol y Ddyfrdwy, Cadwch
Gymrun Daclus, Ymddiriedolaeth Dyfrdwy Cymru, Ardal o Harddwch Naturiol
Eithriadol Bryniau Clwyd a Dyffryn Dyfrdwy, Sw Caer, Record, Cofnod a Chyfoeth
Naturiol Cymru yn rhan o drefnur digwyddiad.
Mae’r digwyddiadau eraill sy’n cael eu cynnal yn Sir y Fflint yn ystod mis
Gorffennaf yn cynnwys:
Dydd Gwener 28 Mehefin a Dydd Sadwrn 26 Gorffennaf – Tynnu Jac y Neidiwr a
Chasglu Sbwriel – Nant Swinchiard, Y Fflint.
Cysylltwch â Judith Wright o Cadwch Gymrun Daclus ar 07717495188 am ragor o
wybodaeth.
Sadwrn 19 Gorffennaf – Curo Jac y Neidiwr - Caergwrle rhwng 3pm a 5pm.
Cyfarfod ym Maes Parcio Caergwrle, y Stryd Fawr. Dylid gwisgo dillad sy’n addas
ar gyfer yr awyr agored, esgidiau glaw a menig, bydd lluniaeth ar gael. Mae’r
digwyddiad am ddim ond mae’n hanfodol archebu – dylid cysylltu â Sarah Slater
ar 01352 703263 neu e-bostio sarah.slater@siryfflint.gov.uk
Nodyn i olygyddion
Fech gwahoddir i anfon gohebydd a ffotograffydd i Barc Gwledig Ty Mawr yng
Nghefn Mawr, Wrecsam gogyfer â lansiad swyddogol Diwrnod Mawr y Ddyfrdwy – yr
Ail Ymosodiad am 1:30pm ddydd Gwener 27 Mehefin lle bydd staff, pwysigion a
gwirfoddolwyr.
Cynhelir y diwrnod lansio a’r arddangosiadau cyhoeddus ar ddydd Sadwrn 28
Mehefin o 12:30pm.
I gael rhagor o wybodaeth am y prosiect, dylid cysylltu â Meryl Norris, swyddog
prosiect Rhywogaethau Ymledol Anfrodorol y Ddyfrdwy yn Ymddiriedolaeth Natur
Gogledd Cymru ar 01352 755472 neu e-bostio
merylnorris@wildlifetrustswales.org
Am ragor o wybodaeth ynglyn â digwyddiadau sy’n cael eu cynnal yn Sir y Fflint
dylid cysylltu â Sarah Slater ar 01352 703263 neu e-bostio
mailto:sarah.slater@siryfflint.gov.uk