Newyddion Diweddaraf Cyngor Sir Y Fflint

Rheolau newydd yn dod i rym yng Nghymru i sicrhau bod busnesau tecawê yn hyrwyddo eu sgôr hylendid bwyd ar ddeunyddiau cyhoeddusrwydd

Published: 30/11/2016

O 28 Tachwedd 2016, tair blynedd ers ir Cynllun Sgorio Hylendid Bwyd statudol ddod i rym yng Nghymru, bydd yn ofynnol i fusnesau bwyd tecawê gyhoeddi datganiad dwyieithog ar ddeunyddiau cyhoeddusrwydd copi caled penodol. Os yw taflen neu fwydlen bwyty tecawê yn dangos bwyd ar werth, faint maer bwyd yn ei gostio a ffordd o archebur bwyd heb orfod ymweld âr safle, bydd hefyd angen iddi gynnwys datganiad syn atgoffa cwsmeriaid y gallant wirio sgôr hylendid y busnes ar y wefan sgorio hylendid bwyd http://ratings.food.gov.uk/. Bydd y datganiad hefyd yn atgoffa defnyddwyr bod modd iddynt ofyn ir busnes bwyd am eu sgôr hylendid bwyd wrth archebu. Cymru oedd y wlad gyntaf yn y Deyrnas Unedig i gyflwyno cynllun sgorio hylendid bwyd statudol ym mis Tachwedd 2013, gydar Ddeddf Sgorio Hylendid Bwyd (Cymru) 2013 yn ei gwneud yn orfodol i fusnesau bwyd ddangos eu sgôr hylendid bwyd ar eu safle. Ers ei gyflwyno, maer cynllun wedi cael effaith gadarnhaol ar safonau hylendid yng Nghymru. Mae dros 94% o fusnesau bwyd yng Nghymru bellach â sgôr o 3 (boddhaol ar y cyfan) neu uwch. Dywedodd y Cynghorydd Kevin Jones, yr Aelod Cabinet dros Warchod y Cyhoedd: “Ers ei gyflwyno, maer Cynllun Sgorio Hylendid Bwyd wedi mynd o nerth i nerth, ac mae wedi bod yn allweddol wrth gynyddu safonau hylendid bwyd. Ni ellid, ac ni ddylid, cefnogi unrhyw newid a oedd yn ceisio tanseilio cynllun mor llwyddiannus. I gael rhagor o wybodaeth, ewch i: https://www.food.gov.uk/enforcement/enforcework/hygienescoresresources/food-hygi ene-rating-scheme-in-wales-takeaway-businesses-0 – cliciwch ar ‘Cymraeg