Newyddion Diweddaraf Cyngor Sir Y Fflint

Cau Pont Penarlâg dros dro ar 13 Rhagfyr

Published: 09/12/2016

Bydd Pont Penarlâg, dros Afon Dyfrdwy ger Shotton, ar gau i feicwyr a cherddwyr ar gyfer gwaith cynnal a chadw hanfodol rhwng 9am a 3pm ddydd Mawrth 13 Rhagfyr. Mae angen gosod preniau newydd ar y bont bwysig hon, sy’n cysylltu Llwybr Arfordir Gogledd Cymru â Llwybr Rheilffordd Gwyrdd Caer ar Lwybr Beicio Cenedlaethol 5, er mwyn i’w defnyddwyr fod yn ddiogel a chyfforddus. Mae Sustrans Cymru wedi trefnu i’r gwaith ddigwydd y tu allan i amseroedd teithio prysur i osgoi unrhyw anghyfleustra i’r mwyafrif o ddefnyddwyr y llwybr. Mae modd croesi dros y Bont Las ger y Queensferry hefyd. Os ydych yn cynllunio taith ar yr adeg hon, yna defnyddiwch fap Sustrans(www.sustrans.org.uk/map) i drefnu llwybr gwahanol.