Newyddion Diweddaraf Cyngor Sir Y Fflint
The Secret Garden
Published: 01/07/2014
Ym mis Gorffennaf, bydd stori hyfryd The Secret Garden yn dod yn fyw o flaen
ein llygaid yn ystod perfformiad gan ddisgyblion ysgol.
Ddydd Gwener, 4 Gorffennaf, yn Clwyd Theatr Cymru bydd disgyblion o Ysgol
Trelogan ac Ysgol Brynffordd yn Sir y Fflint ac Ysgol y Rhos yn Sir Ddinbych yn
cymryd rhan ym Mherfformiad Ysgolion Sir y Fflint.
Mae The Secret Garden, a ysgrifennwyd gan Frances Hodgson Burnett, yn un o
nofelau plant mwyaf poblogaidd llenyddiaeth Saesneg yr ugeinfed ganrif.
Gan weithio gyda thîm o weithwyr proffesiynol dan gyfarwyddyd artistig yr awdur
Janys Chambers ( a enwebwyd am BAFTA), y dylunydd Andrea Davies ar artist
gweledol Sarah Carvel, bydd y disgyblion yn creu propiau a golygfeydd ar gyfer
y cynhyrchiad ac yn cynorthwyo Janys Chambers i ysgrifennu’r sgript.
Mae Janys wedi ysgrifennu dros 100 o sgriptiau ar gyfer radio, theatr a
theledu’r BBC, yn ogystal ag ar gyfer yr opera sebon Emmerdale, Holby a
Children’s Ward. Mae ei gwaith diweddar yn cynnwys addasu My Family and Other
Animals ar gyfer yr York Theatre Royal.
Dywedodd y Cynghorydd Chris Bithell, Aelod Cabinet Addysg: “Mae hon yn
enghraifft ragorol o awdurdodau lleol yn gweithio gydai gilydd i roi cyfle
gwych i bobl ifanc gymryd rhan gydag artistiaid proffesiynol ac i berfformio ar
lwyfan proffesiynol.
Mae Perfformiad Ysgolion Sir y Fflint yn cael ei drefnu gan Adain Celfyddydau,
Diwylliant a Digwyddiadau Cyngor Sir y Fflint ac maer cynhyrchiad o The Secret
Garden wedi ei ariannu’n rhannol gan Gyngor Celfyddydau Cymru a Llenyddiaeth
Cymru.
Nodyn y golygydd
Am gyfleoedd lluniau, cysylltwch â Trefor Lloyd Roberts, Swyddog Datblygur
Celfyddydau ar 01352 704027 neu anfonwch e-bost at
Trefor.l.roberts@flintshire.gov.uk.