Mae’r Cyngor wedi ymrwymo i ymgynghori â’n tenantiaid, ein lesddeiliaid ac, ar adegau, y gymuned ehangach, i sicrhau’n bod yn darparu’r gwasanaethau sydd eu hangen arnynt.

Rydym hefyd wedi ymrwymo i roi cyfle i denantiaid, lesddeiliaid neu gynrychiolwyr i ddylanwadu ar ein cynlluniau a’r penderfyniadau a wneir am ein gwasanaethau.

Rydym wrthi’n barhaus yn ceisio datblygu amrywiaeth o ffyrdd i gynnwys ein tenantiaid a’n lesddeiliaid yn ein gwaith ac i roi cyfle iddynt gyfrannu at y broses o ddatblygu a gwella’n gwasanaethau.

Credwn y dylem gynnig amrywiaeth o ddewisiadau i’n holl denantiaid a’r lesddeiliaid i gyfrannu yn y ffordd hawsaf iddyn nhw - drwy lenwi arolygon neu ymuno â grwpiau buddiant neu gyfarfodydd ymgynghori efallai, neu drwy gymryd rhan mewn grŵp tenantiaid a phreswylwyr.

Os ydych am gyfranogi, cysylltwch â’r Swyddog Cyfranogiad Cwsmeriaid, Debbie Davies, ebost:debbie.davies@flintshire.gov.uk neu ffoniwch: 01352 703816/703817 / 07789945403

Neu gallwch ysgrifennu ati yn Swyddfeydd y Cyngor, Lôn y Capel, y Fflint. CH6 5WB.

Ar y tudalennau hyn, gallwch weld gwybodaeth ddefnyddiol a chanllawiau ar sut i sefydlu grŵp Tenantiaid a Phreswylwyr yn eich ardal.

Sefydlu Grŵp Tenantiaid a Phreswylwyr

Manylion cyswllt grwpiau aelodau presennol

Taith gerdded Swyddfa Ardal y Gogledd o amgylch y stad

Mae staff Swyddfa Ardal y Gogledd wedi trefnu’r ymweliadau canlynol ag ardaloedd. Mae croeso i chi ymuno â staff ein swyddfa a mynegi barn am eich ystâd.

Rhaglen Teithiau Cerdded Awst 2010

Rhaglen Teithiau Cerdded Hydref 2010

Os bydd y tywydd yn wael, ffoniwch 01352 714099 i wneud yn siŵr bod yr ymweliad yn mynd rhagddo.

Diweddarwyd: 8/20/10 12:05 PM

Gwybodaeth am y wefan