Wythnos fusnes Sir y Fflint

siryfflint.gov.uk/wythnosfusnes

Bydd Wythnos Fusnes Sir y Fflint 2010 – a drefnir gan Gyngor Sir y Fflint -  yn cael ei chynnal fis Hydref. Caiff y digwyddiad hwn ei gynnal bob blwyddyn ers 2007 a’i nod yw rhannu gwybodaeth ac arfer gorau, datblygu a gwella cysylltiadau busnes a rhoi llwyfan i fusnesau Sir y Fflint i hybu eu llwyddiant.

Pum diwrnod o seminarau, gweithdai ac arddangosfeydd rhwng 13 a 19 Hydref

Bydd thema wahanol bob dydd a defnyddir lleoliadau gwahanol yn y sir bob dydd hefyd:

Bydd yr uchafbwyntiau’n cynnwys:

• Areithiau cyweirnod gan Ieuan Wyn Jones, Dirprwy Brif Weinidog Cymru, ar y Rhaglen Adfywio Economaidd, a Neil Ashbridge, Asiant Cymru ym Manc Lloegr, a fydd yn sôn am yr Economi Fyd-eang .
• Hawl i Holi dros Frecwast a noddir gan Gydffederasiwn Diwydiannu Prydain – cyfle i drafod materion allweddol ag Aelodau Seneddol lleol
• Noson o rwydweithio a noddir gan Arweinyddiaeth a Rheolaeth Cymru a Ffederasiwn y Busnesau Bach
• Cyflwyniad yn Airbus ar yr A350 ac arddangosfa Arloesedd a Thechnoleg

Yn ogystal â’r seminarau a’r gweithdai, bydd arddangosfeydd gan gyrff a busnesau’n gysylltiedig â phob thema. Cysylltwch ag Ashley Zepeda ar 01352 703219 neu ashley.zepeda@flintshire.gov.uk i gael rhagor o fanylion os hoffech gael stondin arddangos ar unrhyw un o’r dyddiau hyn.

Ar wahân i’w pum diwrnod o ddigwyddiadau, bydd teithiau o amgylch ffatrïoedd ddydd Mawrth 12 Hydref a chofiwch am y brecwast traddodiadol i lansio’r Wythnos Fusnes a gynhelir yng Ngholeg Glannau Dyfrdwy.

Mae tîm yr Wythnos Fusnes hefyd wedi trefnu i fusnesau Sir y Fflint deithio o amgylch safle’r Gemau Olympaidd yn Llundain ddydd Mercher 22 Hydref ac, yn dilyn yn daith, bydd derbyniad yn Nhŷ’r Cyffredin lle cânt eu croesawu, gobeithio, gan y Gwir Anrhydeddus Cheryl Gillan AS a gafodd ei phenodi’n ddiweddar yn Ysgrifennydd Gwladol Cymru. Rhaid cyfyngu ar nifer y llefydd ar y daith hon, felly os oes gennych ddiddordeb, cysylltwch â  Patricia Carlin ar 01352 703042 neu  patricia.carlin@flintshire.gov.uk

Bydd Wythnos Fusnes Sir y Fflint hefyd yn cynhyrchu cylchgrawn FBW10. Mae gan y cyhoeddiad 48 tudalen hwn gylchrediad o 6,000 a chaiff ei ddosbarthu’n uniongyrchol i’r rhai sy’n gwneud penderfyniadau yn y sector cyhoeddus a phreifat. Gallwch hysbysebu ynddo am gyn lleied â £65. I gael rhagor o wybodaeth cysylltwch a g Ashley Zepeda ar 01352 703219 neu ashley.zepeda@flintshire.gov.uk

Gwybodaeth yn yr adran hon

Busnes - cymorth

Gwybodaeth am yr hyn y gallwn ei gynnig i chi os ydych yn cynllunio i sefydlu busnes newydd neu sydd eisiau ehangu yn Sir y Fflint.

Gwybodaeth am y wefan

Argaeledd | Amodau a thelerau | Cyfieithiadau | Diogelu Data | Safonau gwasanaeth rhyngrwyd | Ystadegau'r Wefan