Twristiaeth a theithio

Croeso i Sir y Fflint

Mae gan y sir brydferth hon gefn gwlad ac arfordir sy’n gyforiog o hanes hynod ddiddorol.  Mae modd teithio yno’n hwylus ar y ffyrdd a’r rheilffyrdd  sy’n ei gwneud hi’n gyrchfan hawdd ei chyrraedd.

Mae Sir y Fflint yn gymysgedd hudolus o bentrefi gwledig, trefi marchnad traddodiadol, traethau tywod, cestyll canoloesol a rhai o’r golygfeydd mwyaf bendigedig yng Ngogledd Cymru.  Mae Bryniau Clwyd, lle ceir nifer o fryngaerau hynafol, yn Ardal o Harddwch Naturiol Eithriadol ac mae’n cynnwys rhan o lwybr Clawdd Offa.  Yn y llyfryn Cerdded yng Nghefn Gwlad yn Sir y Fflint gwelir 25 o’r teithiau cerdded gorau yn y Sir.

Mae crwydro’r sir yn hawdd os dilynwch chi Daith Hamdden Sir y Fflint, sy’n 83 milltir o hyd.  Rhennir y daith yn naw adran amrywiol, a thrwy ddefnyddio’r llyfryn a dilyn yr arwyddion, cewch hyd i nifer o leoedd diddorol.

Llyfrynnau Cymunedol Sir y Fflint Wledig. Mae'r llyfrynnau dweud stori ddiddorol am y dreftadaeth ddiwylliannol gyfoethog a naturiol a fydd yn apelio at drigolion lleol ac ymwelwyr â'r sir.

Gwybodaeth yn yr adran hon

Strategaeth Dwristiaeth Sir y Fflint

Mae angen gwneud gwaith sylweddol i wireddu potensial Sir y Fflint fel adnodd twristiaeth . Mae Strategaeth Dwristiaeth Sir y Fflint yn anelu at newid ffocws i godi ymwybyddiaeth o brif nodweddion y sir ac nid yn unig denu pobl i'r ardal ond hefyd eu cymell i ddychwelyd.

Taith hamdden Sir y Fflint

Mae Sir y Fflint yn sir hardd ar y gororau ac mae gorffennol diddorol yn cyfoethogi ei chefn gwlad a’i harfordir. Mae cymaint i’w ddarganfod, rydym wedi dyfeisio taith car arbennig i’ch helpu chi.

Cymdeithas swristiaeth Sir y Fflint

The Flintshire Tourism Association is an independent group of tourism operators based in Flintshire that has strong links with Flintshire County Council.

Canolfan Groeso yr Wyddgrug

Mae Canolfan Groeso yr Wyddgrug yn cynnig croeso cynnes ac amrediad eang o wasanaethau. Mae’n ymroddedig i ddarparu safon uchel iawn o wasanaeth.

Gororau Gogledd Cymru

Gororau Gogledd Cymru yw’r rhan uchaf o Gymru sydd nesaf at Loegr.