Cynllun Bathodynnau Glas

Bathodynnau Parcio i Bobl ag Anableddau

Bwriad y Cynllun Bathodynnau Glas yw galluogi pobl sydd wedi'u cofrestru'n ddal a'r rheiny sydd bron â bod yn methu â cherdded i barcio'n agos at y cyfleusterau a'r gwasanaethau sydd eu hangen arnynt er mwyn gwella eu ffordd o fyw, eu hannibyniaeth a'u rhyddid dewis. 

Gallwch wneud cais am Fathodyn Glas ar-lein ar GOV.uk (ffenestr newydd)

Pwy sy’n gallu cael bathodyn?

O dan reoliadau presennol y cynllun, mae modd rhoi bathodynnau i bobl anabl os ydyn nhw:

• Yn cael cyfradd uwch cydran symudedd Lwfans Byw i’r Anabl (“cymorth i symud o gwmpas”)
• wedi’u cofrestru’n ddall
• yn defnyddio ceir wedi’u cyflenwi gan Adran y Llywodraeth neu’n cael grant gan y Llywodraeth tuag at eu cerbydau eu hunain
• yn cael Atodiad Symudedd Pensiynwyr Rhyfel

Gall pobl eraill gael bathodyn os yw eu hanabledd:

• yn barhaol ac yn sylweddol ac yn eu gwneud yn anabl i gerdded neu bron yn anabl i gerdded

Sut i wneud cais am fathodyn

• Gallwch wneud cais am Fathodyn Glas ar-lein drwy  GOV.uk (ffenestr newydd)
  neu
• Os ydych yn teimlo’ch bod yn gymwys i gael bathodyn, ffoniwch ni ar 01352 701304 neu ysgrifennwch at Gwasanaethau Cymdeithasol i Oedolion, Neuadd y Sir, Yr Wyddgrug, CH7 6NN.
  neu
• Gallwch anfon ymholiad at y gwasanaeth hwn (bydd hyn yn agor e-ffurflen) neu anfon ffacs at 01352 701499.
  

Dim ond Cyngor Sir y Fflint sy’n gallu penderfynu ynglyn â rhoi bathodyn ai peidio. 

Sylwch bod y rheolau ar gyfer dosbarthu bathodynnau yng Nghymru yn wahanol i rai Lloegr, Yr Alban a Gogledd Iwerddon.