Cyfrifiad 2011

Helpu i lunio dyfodol Sir y Fflint wrth i Gyfrifiad 2011 agosáu

Ymhen llai na blwyddyn, bydd preswylwyr Sir y Fflint yn cymryd rhan mewn arolwg mwyaf y wlad, wrth i’r Swyddfa Ystadegau Gwladol (SYG) gynnal Cyfrifiad 2011 yng Nghymru a Lloegr ddydd Sul 27 Mawrth.  Bob deng mlynedd mae’r cyfrifiad yn cymryd ciplun ystadegol ar ddiwrnod penodol er mwyn creu darlun cywir o’r boblogaeth. Mae ystadegau’r cyfrifiad a gynhyrchir gan SYG yn helpu Cyngor Sir y Fflint i dargedu arian yn gywir a chynllunio gwasanaethau cyhoeddus (fel addysg, trafnidiaeth, ysgolion a thai) yn ôl yr angen. Dyna pam mae hi’n hollbwysig i holl drigolion Sir y Fflint gymryd rhan (ac mae’n orfodol).

Ym mis Mawrth 2011 gofynnir i aelodau pob cartref yng Nghymru lenwi holiadur porffor (yn y Gymraeg neu’r Saesneg). Bydd y rhain yn cyrraedd drwy’r post a gallwch eu hanfon yn ôl am ddim yn yr amlen a ddarperir neu, am y tro cyntaf erioed, gallwch eu llenwi ar lein ar wefan ddiogel. Dim ond deng munud a ddylai ei gymryd i nodi manylion pob unigolyn a bydd y wybodaeth rydych yn ei rhoi yn helpu i lunio dyfodol Sir y Fflint.  Bydd amrywiaeth eang o help a chymorth ar gael. Mae’r gyfraith yn diogelu eich gwybodaeth bersonol, ac mae’n aros yn gyfrinachol am 100 mlynedd.  Cewch ragor o wybodaeth am Gyfrifiad 2011 yn:www.cyfrifiad.gov.uk 

Gwybodaeth am y wefan

Argaeledd | Amodau a thelerau | Cyfieithiadau | Diogelu Data | Safonau gwasanaeth rhyngrwyd | Ystadegau'r Wefan