Torri gwair, cynnal a chadw perthi a rheoli chwyn

Rydym yn torri gwair, yn cynnal a chadw perthi, yn torri coed sy’n gorhongian ac yn rheoli chwyn mewn nifer o ardaloedd ledled Sir y Fflint.

Y gwasanaeth rydym ni’n ei ddarparu

Byddwn yn cynnal a chadw tir sydd o dan berchnogaeth y cyngor, gan gynnwys:

ymylon a llain canol priffyrdd

• cylchfannau
• ardaloedd cyhoeddus agored
• parciau ac ardaloedd gwyrdd
• ystadau tai
• canol trefi
• gerddi coffa
• mynwentydd
• tai gwarchod
• meysydd chwarae
• mannau hamdden
• mannau amwynder
• meysydd chwarae plant
• ardaloedd cadwraeth natur

Rydym yn torri gwair ar ochr ffyrdd ac yn cynnal a chadw perthi er mwyn sicrhau bod y ffyrdd yn ddiogel a bod arwyddion yn weladwy wrth ystyried yr amgylchedd a materion cadwraethol.

Yn unol â Deddf Chwyn 1959, rhaid rheoli chwyn niweidiol. Yn ogystal, mae Deddf Bywyd Gwyllt a Chefn Gwlad 1981 yn galw am reoli canclwm Japan os yw’n tyfu mewn ardaloedd gwyllt (nid mewn gerddi). Rydym yn rheoli llysiau'r gingroen a chanclwm Japan os ydynt yn tyfu wrth ochr y ffordd.

Yr hyn nad ydym yn ei wneud

Nid ydym yn gwneud gwaith cynnal a chadw ar dir preifat neu dir o dan berchnogaeth cyrff ar wahân i’r Cyngor.

Tenantiaid tai cyngor sy’n gyfrifol am gynnal eu gerddi eu hunain. Fodd bynnag, mae gan y Gwasanaeth Tai Gynllun Cynnal a Chadw Gerddi sy’n helpu pensiynwyr neu bobl anabl cofrestredig nad ydynt yn gallu gofalu am eu gerddi. Cysylltwch â swyddog tai eich ardal am fwy o wybodaeth.

Nid ydym yn gwaredu’r rhan fwyaf o’r gwair rydym yn ei dorri. Y rheswm am hynny yw oherwydd bod y torion yn weddol fyr ac yn pydru yn gyflym gan arafu’r tyfiant. Byddai casglu, llwytho, cludo a gwaredu’r gwair yn cynyddu’r gost. Fodd bynnag, rydym yn brwsio neu’n chwythu unrhyw wair oddi ar lwybrau neu arwynebau caled sy’n achosi perygl.

Adrodd problem

Llinell gymorth y Gwasanaethau Stryd: 01352 701234