Mae rhai ardaloedd yn Sir y Fflint wedi dioddef yn enbyd oherwydd llifogydd yn ystod y blynyddoedd a aeth heibio, ac y mae’n hysbys i rai trigolion eu bod yn byw mewn ardal sy’n agored i ddioddef oherwydd llifogydd. Nid oes modd atal llifogydd yn llwyr, ond gallwn baratoi ar eu cyfer. Mae Asiantaeth yr Amgylchedd wedi cyhoeddi gwybodaeth a fydd o gymorth cyn y llifogydd, yn ystod y llifogydd, ac wedi i’r dŵr gilio.

Mae’n bwysig eich bod yn gwybod mai eich cyfrifoldeb Chi yw amddiffyn eich eiddo, nid yr Awdurdod Lleol Dyma rhai awgrymiadau o ran yr hyn y medrwch ei wneud, a’r hyn na ddylech ei wneud:

Yr Hyn I’w Wneud -

Peidiwch â chynhyrfu. Os ydych yn byw mewn ardal sy’n agored i lifogydd, manteisiwch ar system awtomatig Asiantaeth yr Amgylchedd sy’n rhybuddio rhag llifogydd.
Mae’r gwasanaeth yn rhad ac am ddim. Gofalwch baratoi rhestr o rifau ffôn defnyddiol, a’u cadw gyda chi, e.e. y Cyngor Sir, y Gwasanaethau Brys, eich cwmni yswiriant, Floodline: 0845 988 1188, a rhif ffôn cyflym Asiantaeth yr Amgylchedd sy’n rhoi’r wybodaeth ddiweddaraf ynglyn â’ch cartref.
Gofalwch fod pob rhybudd llifogydd yn hysbys i’ch cymdogion ac aelodau mwyaf bregus eich cymuned.
Gwrandewch ar eich gorsaf radio leol i gael y newyddion diweddaraf ynglyn â’r llifogydd. Gofalwch fod eich Pecyn Argyfwng yn cynnwys radio (gweler y cyfarwyddiadau blaenorol).
Paratowch fagiau tywod neu estyll er mwyn rhwystro’r dŵr rhag dod trwy ddrysau a brics tyllog.
Peidiwch â dibynnu ar y Cyngor Lleol i ddarparu bagiau tywod pan fydd y llifogydd ar fin digwydd.
Mae rhai cwmnïau yswiriant yn annog eu cwsmeriaid i brynu a gosod offer ar gyfer atal llifogydd (cofiwch dynnu’r bagiau tywod / estyll o’r briciau tyllog a’r tyllau awyr cyn troi popeth ymlaen).
Cymrwch yn ganiataol bod dwr llifogydd yn cynnwys carthion.
Gofalwch wisgo menig plastig / rwber pan fyddwch yn trin eitemau sydd efallai wedi eu halogi.
Paratowch becyn arbennig ar gyfer llifogydd, yn cynnwys fflachlamp, blancedi, dillad cynnes sy’n atal dŵr, wellingtons, radio a batris, pecyn cymorth cyntaf, menig rwber, bwyd, bwyd anifeiliaid anwes, a’ch dogfennau personol hanfodol.
Cadwch y pecyn ar y llawr uchaf os yn briodol.
Os yw eich eiddo’n agored i lifogydd, trafodwch y sefyllfa gyda’ch teulu, neu’r rhai yr ydych yn byw gyda hwy.
Lluniwch Gynllun Llifogydd a chadw’r ddogfen yn eich Pecyn Llifogydd.
Os yw llifogydd yn digwydd, gofalwch ddiffodd y cyflenwad nwy, dwr a thrydan ar unwaith.
Symudwch eich anifeiliaid anwes i le diogel os yw llifogydd ar fin digwydd. Gofalwch bod ganddynt flwch gwasarn.
Os yw cyflwr y ffyrdd yn addas a diogel, symudwch eich cerbydau i ardal na fydd y llifogydd yn effeithio arni.
Gofynnwch i ffrind neu berthynas a fyddai modd sefyll eich cerbyd(au) ar eu heiddo.
Gofalwch fod eiddo gwerthfawr neu eitemau o werth personol wedi’u cadw ar y llawr uchaf neu mewn lle uchel ar y llawr gwaelod.
Os ydych yn cymryd meddyginiaeth, cofiwch ei gludo gyda chi.
Os yw’n angenrheidiol eich symud o’r ty oherwydd llifogydd neu ddifrod difrifol, cysylltwch â’r Heddlu neu ffoniwch 999.
Os ydych yn byw mewn ty unllawr, carafán neu eiddo arall heb lawr uchaf, ac mewn trafferth, cysylltwch â’r Gwasanaethau Brys er mwyn iddynt drefnu i’ch symud oddi yno.
Os medrwch symud oddi yno eich hun, at berthnasau neu ffrindiau, rhowch wybod i’r Gwasanaethau Brys lle y symudoch iddo.
Os ydych wedi eich caethiwo yn y ty oherwydd y llifogydd, ceisiwch dynnu sylw rhywun o’r ffenestr.
Ufuddhewch i arwyddion sy’n cau ffyrdd neu’n cynghori’r cyhoedd: eu diben yw eich diogelu chi.

Peidiwch â -

Chaniatáu i blant chwarae yn y llifogydd.
Gofalwch fod y plant yn golchi’u dwylo’n aml. Os yw teganau’r plant wedi’u halogi gan ddwr y llifogydd, gofalwch eu bod wedi’u diheintio cyn i’r plant chwarae gyda hwy.

Ceisiwch osgoi dwr sy’n llifo: gall dwr sy’n llifo, â’i ddyfnder cwta 6 modfedd, fwrw oedolyn i’r llawr.

Peidiwch â thaflu sbwriel i ffosydd ac afonydd, a pheidiwch â’i adael ar y dorlan – gall hynny waethygu’r sefyllfa’n arw.
Os yw dwr llifogydd wedi gwlychu offer neu gylchedau trydan peidiwch â’u defnyddio hyd nes y bo trydanwr cymwysedig wedi bwrw golwg drostynt.
Peidiwch â defnyddio bwyd a halogwyd gan ddwr llifogydd.
Peidiwch â defnyddio dŵr a halogwyd yn ystod y llifogydd i olchi llestri, glanhau’ch dannedd, golchi a pharatoi bwyd a gwneud rhew, a pheidiwch â’i yfed da chi.
Peidiwch â thaflu nwyddau a ddifrodwyd hyd nes y bo’ch cwmni yswiriant wedi cael cyfle i’w harchwilio.
Gofalwch rhag masnachwyr ffug.
Mynnwch ddyfynbris ar bapur: bydd eich cwmni yswiriant yn mynnu copi.
Mynnwch fod y papur yn un swyddogol, gyda rhif ffôn a chyfeiriad dilys.
Peidiwch â thalu arian ymlaen llaw, a gofalwch fod y gwaith wedi ei gwblhau’n foddhaol cyn talu.
Mynnwch dderbynneb gan y cyflenwr/contractwr.

Os ydych yn symud cerbydau i le diogel peidiwch â chreu rhwystr ar y ffyrdd sydd uwchben lefel y dŵr, a pheidiwch â chodi caeadau draeniau, caeadau tyllau archwilio, a griliau.

Diweddarwyd: 7/30/09 1:34 PM

Gwybodaeth am y wefan