Plant cyn oed ysgol

Os hoffech ragor o wybodaeth am ddewis gofal plant, yr help sydd ar gael gyda chost gofal plant, neu os hoffech gael hyd i leoliad gofal plant lleol, cysylltwch â Gwasanaeth Gwybodaeth Plant Sir y Fflint ar 01244 547017 neu anfonwch ym holiad. Mae ein gwasanaeth Am Ddim ac rydyn ni’n rhan o Gyngor Sir y Fflint.
Beth yw grŵp cyn ysgol/cylch chwarae/cylch meithrin-

Mae grŵp dan oed ysgol, cylchoedd chwarae a chylchoedd meithrin yn darparu gofal ac addysg i blant 2.5 – 4 oed, fel arfer mewn sesiynau, am ddwy awr a hanner i dair awr - bore neu brynhawn - yn ystod y tymor yn unig, fel arfer. Mae rhai’n cynnig oriau estynedig i gynnwys cinio neu glwb brecwast ac mae rhai’n rhedeg clybiau gwyliau. Anogir rhieni/gofalwyr i aros gyda’u plant nes eu bod wedi cynefino.

Cylchoedd chwarae Cymraeg yw cylchoedd meithrin. Mae nifer o’r plant yn dod o gartrefi di-Gymraeg, ond mae’r oedolion bob amser yn siarad Cymraeg â’r plant ac ym mhen dim maen nhw’n deall bron iawn bopeth.

Beth mae grwpiau cyn ysgol/cylchoedd chwarae/cylchoedd meithrin yn eu darparu?

Mae grwpiau dan oed ysgol, cylchoedd chwarae a chylchoedd meithrin yn cydweithio â rhieni/gofalwyr i ddarparu cwricwlwm eang i blant ifanc drwy chwarae. Dylai gweithgareddau gynnwys: tywod, coed, dŵr, peintio, toes chwarae, cornel cartref/siop, cornel lyfrau, tai adeiladu, didoli a chydweddu, ffrâm ddringo, trawstiau cydbwysedd, dillad gwisgo-i-fyny, gludo, bwrdd diddordebau, torri allan, pensiliau, pinnau ffelt, creonau, jig-sos a llawer rhagor. Gall grwpiau dan oed ysgol, cylchoedd chwarae a chylchoedd meithrin fod yn rhan o becyn gofal plant os ydyn nhw’n cael eu defnyddio gyda gofalwr plant, nani neu berthynas.

Cofrestru

Rhaid i Arolygaeth Safonau Gofal Cymru (ASGC) gofrestru pob grŵp dan oed ysgol, cylch chwarae a chylch meithrin sydd ar agor am ragor na dwy awr y dydd a’u harchwilio bob blwyddyn. Mae adroddiadau archwiliadau ASGC ar gael i rieni/gofalwyr eu darllen yn y grwpiau dan oed ysgol, cylchoedd chwarae a chylchoedd meithrin, yn y llyfrgell neu ar y Rhyngrwyd.

Cost/dyrannu lle

Mae sesiynau grwpiau dan oed ysgol, cylchoedd chwarae a chylchoedd meithrin yn amrywio o ran cost o £4 i fyny [gan ddibynnu ar rent a nifer y staff a.a]. Mae rhestr aros gan y rhan fwyaf o grwpiau dan oed ysgol, cylchoedd chwarae a chylchoedd meithrin, felly mae’n syniad da cofrestru’ch plentyn cyn iddo/iddi fod yn ddwy a hanner.

Staffio a chymwysterau

Dylai grwpiau dan oed ysgol, cylchoedd chwarae a chylchoedd meithrin gyflogi staff cymwys sydd wedi’u cofrestru. Mae cymwysterau’n cynnwys NVQ Lefel 3 mewn Gofal Plant ac Addysg; Diploma’r Cynghrair Dysgu dan oed Ysgol mewn Arfer Dan Oed Ysgol; CACHE; NNEB; Diploma Cenedlaethol Btec [gofal plant]. Mae grwpiau dan oed ysgol, cylchoedd chwarae a chylchoedd meithrin yn cynnig cymhareb oedolyn/plentyn o 1:8 o leiaf, ac mae nifer yn cynnig 1:5.

Pwyntiau i’w hystyried wrth ddewis cylch chwarae neu grŵp dan oed ysgol i’ch plentyn

· Gan fod grwpiau dan oed ysgol, cylchoedd chwarae a chylchoedd meithrin yn aml mewn neuaddau ysgol, canolfannau cymunedol ac adeiladau ysgol, efallai na fydd ganddyn nhw linell ffôn. Mae’n llawer gwell galw i weld y grwpiau. Mae galw i weld ychydig o’r grwpiau lleol yn syniad da, cyn i chi ddewis pa un fyddai’n gweddu orau i’ch plentyn.

Ewch â’ch plentyn gyda chi pan fyddwch yn ymweld fel ei fod yn dod i arfer â’r lle a’r oedolion a fydd yn gofalu amdano. Bydd hyn yn rhoi cyfle i’r ddau ohonoch chi gael naws y grŵp.

• Ewch eto i weld y grwpiau yr ydych yn eu hoffi
• Sut mae’r staff yn gofalu/cymysgu gyda’r plant?
• A oes gan y grŵp ddigon o deganau a deunyddiau chwarae eraill
• A oes ardal y tu allan y gall y plant ei defnyddio
• Gwnewch restr o gwestiynau cyn i chi ymweld

Cwestiynau posib i’w gofyn yn ystod eich ymweliad â darpar grwpiau dan oed ysgol, cylchoedd chwarae a chylchoedd meithrin

• Pa gymhareb sydd rhwng staff a phlant- (Argymhellir 1:5 i blant 2-3 oed, ac i blant 3-5 oed mae’n 1:8)Faint yw’r ffioedd a phryd sy’n rhaid talu-
• A fyddai’n rhaid talu petai’ch plentyn yn absennol, oherwydd salwch neu wyliau’r teulu-
• Ydy’r grwp yn cynnig lleoedd gyda chymhorthdal i blant 3 a 4 oed-
• Holwch am gymwysterau a phrofiadau’r staff.
• Pryd mae’r grwp dan oed ysgol/cylch chwarae/cylch meithrin ar agor-
• Aoes rota o rieni i helpu
• Beth fyddai’n digwydd pe na bawn i’n gallu ymuno a rota’r rhieni i helpu
• Beth yw’r polisi o ran disgyblu
• Ydych chi’n cynllunio tripiau a gwibdeithiau
• Pa weithgareddau ydych chi’n cynllunio i’r plant
• Ydych chi’n rhoi byrbrydau iach-

Cysylltiadau defnyddiol: Mudiad Ysgolion Meithrin (MYM)
Cyngor Cymuned Parc Caia
Cartrefle
Ffordd Cefn
Wrecsam
LL13 9NH

Wefan: http://www.mym.co.uk/

Rhif Ffôn: 01978 363279 Cymdeithas Cylchoedd Chwarae Cyn Ysgol Cymru (WPPA) Swyddfa Sir y Fflint,
Y Cabanau, Llwynegrin,
Neuadd y Sir,
Yr Wyddgrug
CH7 6NB
Rhif Ffôn/Ffacs 01352 756885 (peiriant ateb).
E-bost: newalesoffice@walesppa.org. 

Ni all Gwasanaeth Gwybodaeth Plant Sir y Fflint argymell na chefnogi unrhyw ddarparwyr gofal plant ac nid yw’n derbyn cyfrifoldeb am gywirdeb y wybodaeth hon.

Anfon ymholiad at y gwasanaeth hwn

Gwybodaeth am y wefan

Argaeledd | Amodau a thelerau | Cyfieithiadau | Diogelu Data | Safonau gwasanaeth rhyngrwyd | Ystadegau'r Wefan