Rheoli Coedwigoedd a Choetiroedd

Heddiw mae gan Sir y Fflint oddeutu 2729 ha o goetiroedd llydanddail ac oddeutu 772 ha o goedwigoedd conwydd.  Ar y cyd â'r Comisiwn Coedwigaeth a sefydliadau eraill, mae Cyngor Sir y Fflint yn sicrhau bod coetiroedd presennol yn cael eu diogelu a'u rheoli mewn modd cynaliadwy ac yn annog tirfeddianwyr i blannu coetiroedd brodorol newydd sy'n gydnaws â'u lleoliad.

Coed Cymru

Mae Coed Cymru'n sefydliad partneriaeth a ariennir yn rhannol gan Gyngor Sir y Fflint sy'n cynorthwyo tirfeddianwyr i blannu a rheoli coetiroedd bach yn gynaliadwy er mwyn bod o fudd i'r economi gwledig a bioamrywiaeth.

Mae Coed Cymru'n gysylltiedig hefyd ag ychwanegu gwerth i goed yn eu tarddle i gynyddu incwm a darganfod mwy o ffyrdd arloesol o ddefnyddio cynnyrch coetiroedd.  Ewch i wefan Coed Cymru (ffenestr newydd) am fwy o wybodaeth.

Bydd nifer o'r sefydliadau sydd wedi'u rhestru yn y ddogfen isod yn ddefnyddiol i berchnogion coetiroedd sy'n chwilio am help, cyngor, hyfforddiant neu gymorth grant.

Cysylltiadau defnyddiol - help i reoli'ch coetir (PDF.doc 26KB ffenestr newydd)

Comisiwn Coedwigaeth Cymru

Mae Comisiwn Coedwigaeth Cymru'n gweithredu fel Adran Goedwigaeth Llywodraeth Cynulliad Cymru.  Mae'n gyfrifol am amddiffyn ac ymestyn coedwigoedd a choetiroedd yng Nghymru.

Mae'r Comisiwn Coedwigaeth yn meddu ar bwerau cyffredinol o dan Ddeddf Coedwigaeth 1967 sy'n gosod cyfyngiad ar gyfanswm y coed y gellir eu torri.  Os ydych yn bwriadu torri nifer o goed mawr neu nifer fawr o goed bach dylech gael cyngor gan goedwigwr neu gysylltu â'r Comisiwn Coedwigaeth yn uniongyrchol oherwydd mae'n bosibl y bydd gofyn i chi gyflwyno cais am drwydded torri coed.  Os ydych yn gwneud gwaith sy'n torri'r Ddeddf Goedwigaeth mae'n bosibl y cewch eich erlyn a'ch gorfodi i ail-blannu coed eraill.  Ceir mwy o wybodaeth ar wefan y Comisiwn Coedwigaeth (ffenestr newydd)

Grantiau

Coetiroedd Gwell i Gymru yw cynllun grant newydd Comisiwn Coedwigaeth Cymru sydd wedi'i lunio i ddarparu Strategaeth Goetiroedd Llywodraeth y Cynulliad.  Mae gwybodaeth bellach ar gael ar wefan Comisiwn Coedwigaeth Cymru.

Gall Swyddog Coed Cymru'r Cyngor gynnig cyngor a help i chi baratoi ceisiadau Cynllun Grant i'r Comisiwn Coedwigaeth.

Gwybodaeth bellach

Os oes angen gwybodaeth bellach neu wybodaeth arnoch, ffoniwch y Swyddog Coed Cymru yn Is-adran yr Amgylchedd a Chadwraeth ar 01352 703261 neu cyflwynwch ymholiad ar-lein (bydd hyn yn agor e-ffurlen).