Mae Asesiad Adnewyddu Cymdogaeth yn cael ei gynnal i ystyried sut y gellir gwella tai, effeithlonrwydd ynni a phroblemau cymdeithasol ac amgylcheddol eraill yn yr ardal a sut y gellir gwneud hynny yn y ffordd fwyaf effeithlon bosibl.

Un fantais ychwanegol sy'n gysylltiedig ag Adnewyddu Ardal yw y bydd ymdrechion i weld yr ardal yn troi’n garbon niwtral.

Dywedodd y Cynghorydd Helen Yale, Aelod Gweithredol Cyngor Sir y Fflint dros Dai:

“Rwy’n falch iawn o roi cyfle i’n cymunedau lleol yng Nghei Connah, Shotton a Queensferry gymryd rhan yn y prosiect hwn a all wella bywydau llawer o bobl”

Fel rhan o’r Asesiad Adnewyddu Cymdogaeth, mae Cyngor Sir y Fflint yn trefnu sesiynau ymgynghori a fydd yn gyfle i bobl alw heibio i gael gwybod rhagor am yr asesiad, beth y mae’n ei olygu a’r casgliadau hyn yma. Bydd hefyd yn gyfle i bobl leol gael dweud eu dweud am y problemau sydd dan sylw a’r hyn yr hoffent ei weld yn digwydd i wella’r ardal.

Dyma ddyddiadau a lleoliadau’r sesiynau :

Dydd Llun 30 Tachwedd, 4pm-8pm
Neuadd Ddinesig Cei Connah

Dydd Iau 3 Rhagfyr, 4pm-8pm
Neuadd Goffa Queensferry

Dydd Mawrth 8 Rhagfyr, 4pm-8pm
Clwb Carlton Shotton.

Bydd y sesiynau hyn yn cyflwyno’r un wybodaeth. Mae croeso i’r cyhoedd ddod i unrhyw un, unrhyw adeg ac aros cyhyd ag y mynnant. Bydd lluniaeth ar gael.

Cewch ragor o wybodaeth drwy ffonio’n rhif di-dâl: 0800 169 8677

Ardal Adnewyddu Cymdogaeth (pdf)

Diweddarwyd: 11/26/09 3:22 PM

Gwybodaeth am y wefan