Archifdy – ymholiadau a chyngor

Rydym yn croesawu ymholiadau am y math o gofnodion sydd gennym yn Archifdy Sir y Fflint, a byddwn yn eich cynghori sut y gallan nhw gael eu defnyddio yn eich ymchwil.

Byddwn yn gwirio ein mynegeion a’n catalogau am adnoddau a allai fod yn berthnasol i’ch ymchwil.  Fodd bynnag, os gall eich ymholiad gael ei ateb dim ond wrth edrych ar y dogfennau eu hunain, neu bydd angen ymchwil manylach o’r catalogau, byddwn yn gofyn i chi ymweld â ni i wneud eich gwaith ymchwil.

Rydym wedi cynhyrchu canllawiau y gellir eu lawr lwytho, sy’n awgrymu a disgrifio ffynonellau defnyddiol ar gyfer meysydd ymchwil poblogaidd. 

Nid yw Archifdy Sir y Fflint yn cynnig gwasanaeth ymchwil cyflogedig, ond medrwch wneud cais am restr o asiantau cofnodion annibynnol, lleol fydd yn barod i wneud y gwaith ymchwil yn y swyddfa hon am ffi.  Sylwch os gwelwch yn dda, gan nad ydyn nhw’n cael eu cyflogi gan yr Archifdy, ni allwn warantu eu gwaith.

Medrwch gyflwyno ymholiad ar-lein, neu drwy’r post neu ffacs.  Gofynnwn i chi gyflwyno’r holl ymholiadau yn ysgrifenedig lle mae’n bosibl, yn hytrach na rhoi gwybodaeth dros y ffôn.  Bydd hyn yn ein cynorthwyo i ateb eich ymholiad yn fwy cywir ac effeithlon.

Gwybodaeth am y wefan

Argaeledd | Amodau a thelerau | Cyfieithiadau | Diogelu Data | Safonau gwasanaeth rhyngrwyd | Ystadegau'r Wefan