Hafan > Busnes > Trwyddedau a hawlenni > Trwyddedau – cerbydau hacni a cherbydau hurio preifat

Trwyddedau – cerbydau hacni a cherbydau hurio preifat

Rhybudd Ffurfiol

Os hoffech gael eich ystyried am le ar restr y Cyngor, llenwch a dychwelwch y ffurflen atodedig i fynegi’ch diddordeb at yr Is-adran Trwyddedu, Neuadd y Sir, Yr Wyddgrug, Sir y Fflint, CH7 6NF, neu trwy e-bost at licensing @flintshire.gov.uk  cyn dydd Mercher 27 Chwefror 2015.

Rhybudd Ffurfiol - Hurio Preifat a cherbydau Hacnai (PDF 80KB ffenestr newydd)

Mae'r Is-adran Drwyddedu'n gyfrifol am drwyddedu pob cerbyd a gyrrwr hur preifat a cherbydau hacnai yn ogystal â phob cwmni hur preifat yn Sir y Fflint.

Hur preifat - rhaid archebu teithiau o flaen llaw drwy weithredwr trwyddedig
Cerbydau hacnai - cerbydau sy'n gweithio o safleoedd tacsi a allai fod ar gael i'w hurio.

Trwydded - cerbyd hacnai - tacsi

Mae gan Gyngor Sir y Fflint y polisi canlynol ar gyfer Cerbydau Hacnai:

Dynodwyd Cyngor Sir y Fflint yn Awdurdod ‘Cyfnod Cyntaf’ o dan Ddeddf Gwahaniaethu ar Sail Anabledd 1995. O ganlyniad, ystyrir pob Cerbyd Hacnai newydd a fydd yn cael ei drwyddedu mewn perthynas â darpariaeth y rheoliadau hygyrchedd tacsis, sef bydd raid i bobl ag anableddau, gan gynnwys rhai mewn cadair olwyn, fedru mynd a dod ohonynt.

Felly, bydd raid i unrhyw Gerbyd Hacnai newydd a drwyddedir gan Sir y Fflint fod wedi’i adeiladu’n bwrpasol neu fod wedi’i addasu’n arbennig a chael ei gymeradwyo’n benodol, bydd raid gallu ei wahaniaethu oddi wrth gerbyd Hurio Preifat a bod ag arwyddion Tacsi / I’w Logi ar y to, bod â phared mewnol a mesurydd tâl a bydd raid i’r anabl allu mynd a dod ohono mewn gwirionedd gan gynnwys gyda chadair olwyn.

Rhaid i bob cerbyd gael prawf MOT a phrawf Addasrwydd y Cyngor bob chwe mis yn un o’r canolfan MOT dynodedig yn Sir y Fflint cyn cael ei drwyddedu.

Mannau Aros i Gerbydau Hacnai (24 Awr)

Cei Connah
Stryd Fawr, Cei Connah (A548) (ochr ogleddol) - cilfan o flaen Llys Glan-y-Morfa.  Lle i 3 cerbyd.
Canolfan Siopa Gwepra, Cei Connah - maes parcio ger tafarn y ‘Boathouse’.  Lle i 2 gerbyd.
Stryd Pen-y-Llan, Cei Connah (ochr orllewinol) - cilfan - lle i 2 gerbyd.

Treffynnon
Ochr ddeheuol A5026 cylchffordd fewnol Treffynnon (safle'r hen gilfan bws)

Yr Wyddgrug
Ochr ogleddol A494 Ffordd Caer (safle'r hen gilfan bws) 

Trwydded - cerbyd hur preifat - cabiau mini

Ni all Cerbyd Hur Preifat chwilio am fusnes na sefyll mewn safle cerbydau hacnai. Rhaid ei archebu ymlaen llaw gyda gweithredydd hur preifat ac ni all weithredu ar wahân i'r gweithredydd hwnnw.  Rhaid cael trwydded cerbyd gan y Cyngor cyn y gellir defnyddio'r cerbyd at y diben hwn.

Manylion cerbyd hur preifat (PDF 70KB ffenestr newydd)

Y Drefn i Drwyddedu Cerbyd

Cyn i'r cerbyd gael trwydded at ddibenion hur preifat, rhaid i'r cerbyd gael prawf MOT llawn a'i basio a phasio archwiliad y cyngor yn un o'r garejys cymeradwy:

  • Rhaid gwneud trefniadau ar gyfer y prawf/archwiliad hwn yn uniongyrchol gyda'r garej penodol a rhaid talu'r ffi, yr un ffi â phrawf MOT arferol, i'r garej adeg y prawf.
  • Mae gan PCM Repairs gyfleusterau dosbarth V11 ac maen nhw'n gallu profi bysiau mini mwy.
  • Adeg archebu'r prawf, bydd angen i chi roi rhif cofrestru llawn y cerbyd, y drwydded hur preifat a nodi'n llawn y math o brawf y byddwch ei angen.
  • Rhaid i'r un garej ag a wnaeth y prawf cyntaf wneud ailbrofion. Ni fydd ychwanegiad at y ffi am ail brawf ar yr amod ei fod yn cael ei wneud cyn pen saith diwrnod ar ôl y prawf cyntaf.  Ni fydd modd gwneud ail brawf ar ôl saith diwrnod a bydd angen prawf llawn a thalu ffi newydd. 
  • Cyn cael trwydded, rhaid i bob cerbyd gael prawf MOT blynyddol a phrawf addasrwydd y Cyngor bob chwe mis yn un o bedair canolfan brawf MOT a enwir yn Sir y Fflint.

Pan fydd cerbyd wedi pasio'r prawf MOT ac archwiliad y Cyngor, bydd yn cael tystysgrif o ran y ddau brawf. Rhaid dangos y ddwy dystysgrif i'w harchwilio pan fyddwch yn mynd i Neuadd y Sir i drwyddedu'r cerbyd, ynghyd â'r dogfennau eraill angenrheidiol, fel a ganlyn.

  • Dogfen gofrestru'r cerbyd
  • Tystysgrif yswiriant cyfredol neu nodyn yswiriant ar gyfer defnydd hur preifat yn dangos rhif cofrestru'r cerbyd priodol
  • Ffi'r drwydded
  • Ffurflen gais am drwydded cerbyd hur preifat wedi'i llenwi.

Plât trwydded

Pan fydd cerbyd wedi'i drwyddedu, bydd yn cael plât trwydded ôl. Rhaid gosod hwn ar gefn y cerbyd a thrwydded gyfatebol ar gyfer tu mewn y cerbyd, yn dangos y dyddiad y daw'r drwydded i ben. Rhaid iddo hefyd arddangos enw a rhif ffôn y gweithredydd preifat ar y ddau ddrws blaen.

Rhaid gosod y plât trwydded ôl yn gadarn ar gefn y cerbyd yn unol ag amodau trwyddedu cerbydau. Nid yw'n dderbyniol i arddangos y plât yn y ffenest ôl.

I helpu perchnogion trwyddedig gydymffurfio ag amod uchod y drwydded , mae'r cyngor wedi cael cyflenwad o fracedi i'w defnyddio gyda'r plât newydd.  Gall perchnogion cerbydau brynu braced gan y cyngor am bris gostyngedig o £15.00 (y pris arferol yw £22.00). Mae manylion y bracedi i'w gweld ar yr hysbysfwrdd trwyddedu ym mhrif fynedfa Neuadd y Sir, neu mae modd eu cael yn uniongyrchol gan y gwneuthurwr MOGO (ffenestr newydd).

Cerbydau sydd â seddi i fwy na 4 teithiwr

Dylai pobl sydd am drwyddedu cerbyd â seddau i fwy na 4 ond llai na 9 fel cerbyd hur preifat, gysylltu â'r Cyngor am gyngor ynghylch ei addasrwydd i gael trwydded. Mae'r amod ychwanegol canlynol yn gymwys i gerbydau sydd â thrwydded i gludo mwy na 4 person:-

Rhaid i bob teithiwr fedru mynd i mewn i'r cerbyd ac allan ohono heb angen dringo dros seddau eraill neu fagiau a byddai hyn yn cynnwys sedd sy'n rhaid ei phlygu ymlaen i ganiatáu i deithiwr fynd i mewn neu allan. (Pe bai teithiwr yn cael ei anafu neu'n marw, efallai na fyddai'n bosib plygu'r sedd os oes rhywun yn eistedd arni).

Gorsafoedd profi enwebedig (PDF 40KB new window)

Trwydded - gyrwyr cerbydau hur preifat a cherbydau hacnai

Mae hon yn drwydded ddeuol, h.y. mae'n galluogi'r daliwr i yrru cerbydau Hur Preifat a Hacnai sydd wedi'u trwyddedu gan Gyngor Sir y Fflint. Dim ond pan fydd yr Awdurdod yn fodlon fod yr ymgeisydd yn un holliach a phriodol i ddal trwydded felly, y mae modd ei rhoi.

Rhoddir bathodyn i yrwyr trwyddedig sy'n dangos eu llun, rhif y drwydded a'r dyddiad y daw i ben. Rhaid i yrwyr wisgo'u bathodyn bob amser pan fyddan nhw'n gweithio, a rhaid iddyn nhw weithio drwy weithredydd hur preifat trwyddedig.

Mae angen pasio profion amrywiol i fodloni'r meini prawf hyn, sef:

  • Datgeliad Manwl gyda'r Swyddfa Cofnodion Troseddol.
  • Ymholiad Talu Ffi y DVLA, ar drwydded yrru'r ymgeisydd.
  • Archwiliad meddygol, i safon Grwp II, wedi'i gwblhau gan ddoctor yr ymgeisydd.
  • Gwiriadau Canolwyr, rhaid rhoi dau enw i'r Cyngor gysylltu â nhw.

Euogfarnau neu rybuddion

Wrth gyflwyno cais am drwydded i yrru cerbyd hacnai neu gerbyd hur preifat, gofynnir i chi ddatgan unrhyw euogfarnau neu rybuddion sydd gennych.  Mae hyn yn cynnwys rhai 'darfodedig' o dan Ddeddf Adfer Troseddwyr 1974.  Mae'r ddogfen ganlynol yn darparu gwybodaeth bellach:

Trwyddedau cerbydau hur preifat a hacnai - Datganiad yn ymwneud ag euogfarnau (PDF 70KB ffenestr newydd)

Trwydded - gweithredwyr cerbydau hur preifat

Mae gweithredwyr cerbydau hur preifat yn gyfrifol am gymryd archebion am gerbydau hur preifat ac anfon y cerbyd a'r gyrrwr i gyflawni'r archeb honno.

Mae deddfwriaeth ac amodau'r drwydded yn rhoi dyletswyddau ar weithredwyr cerbydau hur preifat i sicrhau bod gan y cerbydau a'r gyrwyr y maent yn eu gweithredu drwydded briodol.  Rhaid cynnal gwiriadau cyn y gall ymgeiswyr gael trwydded gweithredwr cerbydau hur preifat a rhaid iddynt hefyd gael y caniatâd cynllunio perthnasol ar gyfer yr adeiladau lle bydd archebion yn cael eu cymryd. Am ffurflen gais neu am ragor o wybodaeth, cysylltwch â'r Swyddfa Drwyddedu.

Rhestr o weithredwyr trwyddedig yn Sir y Fflint

Er mwyn cynorthwyo'r cyhoedd i wirio p'un a oes gan weithredwr cerbydau hur preifat drwydded gywir, mae gan y Cyngor bellach restr o weithredwyr cerbydau hur preifat. Rhestr o Weithredwyr Llogi Preifat Trwyddedig (PDF 40KB ffenestr newydd)

Gwybodaeth bellach

Am fwy o wybodaeth am drwyddedu cerbydau hur preifat a cherbydau hacni, cysylltwch â’r Is-adran Drwyddedu:
Ffôn: 01352 703030. 
Ysgrifennwch at: Pennaeth Diogelu’r Cyhoedd, Cyfarwyddiaeth yr Amgylchedd, Cyngor Sir y Fflint, Neuadd y Sir, Yr Wyddgrug, Sir y Fflint, CH7 6NF.

E-bost: trwyddedu@siryfflint.gov.uk