Newyddion Diweddaraf Cyngor Sir Y Fflint

Diwrnod Rhuban Gwyn 2014

Published: 21/11/2014

Ddydd Mawrth 25 Tachwedd, bydd sefydliadau o bob rhan o Sir y Fflint yn ymuno i ddangos eu cefnogaeth i roi terfyn ar drais yn erbyn merched drwyr Ymgyrch Rhuban Gwyn. Bydd aelodau, swyddogion, preswylwyr lleol ac asiantaethau partner Cyngor Sir y Fflint yn gwisgo rhubanau gwyn i hybu ymwybyddiaeth or ymgyrch, syn ceisio dileu pob math o drais yn erbyn merched. Maer ymgyrch yn gwahodd pobl i addo eu cefnogaeth yn www.whiteribboncampaign.co.uk Dywedodd y Cynghorydd Bernie Attridge, Dirprwy Arweinydd Cyngor Sir y Fflint, a Llysgennad yr Ymgyrch Rhuban Gwyn ar gyfer Sir y Fflint: “Mae Sir y Fflint yn cefnogir ymgyrch Rhuban Gwyn yn llwyr, a thrwy ein gweithredoedd, rydym wedi dangos ein bod wedi ymrwymo i atal cam-drin domestig. Nid yw trais yn erbyn merched byth yn dderbyniol a byddwn yn gwneud popeth o fewn ein gallu i godi ymwybyddiaeth or mater.” Dywedodd y Cynghorydd Kevin Jones, Aelod Cabinet Gwarchod y Cyhoedd, Gwastraff ac Ailgylchu: “Fel Cyngor rydym yn cefnogi’r achos hwn yn llwyr. Mae gwisgo rhuban gwyn yn ffordd wych o ddangos cefnogaeth ac yn addewid personol na fyddwch byth yn cyflawni, goddef neu gadwn dawel am weithredoedd o drais yn erbyn merched.” Dywedodd Jackie Goundrey, Cydlynydd Cam-drin Domestig a Thrais Rhywiol yng Nghyngor Sir y Fflint: “Maer Cenhedloedd Unedig yn cydnabod yn swyddogol 25 Tachwedd fel Diwrnod Rhyngwladol i Ddileu Trais yn Erbyn Merched. Maer Rhuban Gwyn yn symbol o obaith am fyd lle gall merched a genethod fyw heb ofni trais. Mae gwisgor rhuban yn herior derbynioldeb o drais - trwy gael dynion i gymryd rhan, helpu merched i dorrir distawrwydd, ac annog pawb i ddod at ei gilydd i adeiladu byd gwell i bawb.” I gael rhagor o wybodaeth cysylltwch âr Bartneriaeth Diogelwch Cymunedol ar 01352 702590. Os ydych yn dioddef cam-drin domestig neu drais rhywiol, cysylltwch âr Llinell Gymorth Cam-drin Domestig a Thrais Rhywiol Cymru Gyfan ar 0808 80 10 800.