Newyddion Diweddaraf Cyngor Sir Y Fflint
Perchennog bwyty yn Sir y Fflint wedi’i erlyn yn llwyddiannus
Published: 31/01/2019
Mae Swyddogion Iechyd yr Amgylchedd Cyngor Sir y Fflint wedi llwyddo i erlyn perchennog bwyty Indiaidd dan ddeddfwriaeth tai sydd wedi’i llunio i warchod iechyd a diogelwch.
Plediodd Mr Sukur Ali yn euog i drosedd mewn perthynas â Zari, 286 Stryd Fawr, Cei Connah yn Llys yr Ynadon Wrecsam.
Roedd islawr y safle yn destun gorchymyn gwahardd a oedd yn gwahardd unrhyw un rhag byw na chysgu ar yr islawr oherwydd peryglon iechyd a diogelwch difrifol megis peryglon tân, oerfel, a pheryglon trydanol a disgyn.
Yn dilyn hyn, hysbyswyd Swyddogion Iechyd yr Amgylchedd bod rhywun yn byw yn y safle.
Cafwyd Mr Sukur ALi yn euog o fethu cydymffurfio â Gorchymyn Gwahardd ac yn y ddedfryd, derbyniodd ddirwy o £997.
Dywedodd Aelod Cabinet Cynllunio a Gwarchod y Cyhoedd Cyngor Sir y Fflint, y Cynghorydd Chris Bithell:
“Mae'r erlyniad llwyddiannus hwn yn pwysleisio’r neges glir na fydd Cyngor Sir y Fflint yn goddef unrhyw achos o gamddefnyddio safle masnachol fel llety preswyl nag unrhyw achos o herio gorchmynion gwahardd a osodir er iechyd a diogelwch pobl. Mae’n adlewyrchu ymrwymiad Cyngor Sir y Fflint i sicrhau bod llety a ddarperir yn ddiogel, mewn cyflwr da ac yn cynnwys y cyfleusterau angenrheidiol."
