Newyddion Diweddaraf Cyngor Sir Y Fflint

20mya y tu allan i ysgolion

Published: 02/07/2014

Mae Cyngor Sir y Fflint wedi cael cymeradwyaeth gan Lywodraeth Cymru i osod terfyn cyflymder o 20mya y tu allan i bob ysgol yn y Sir a bydd y gwaith o godi’r arwyddion priodol yn dechrau yn ystod y dyddiau nesaf. Bydd yr holl waith wedi’i gwblhau erbyn i’r ysgolion ailagor ar ôl gwyliau’r haf. Dywedodd Dirprwy Arweinydd Cyngor Sir y Fflint, y Cynghorydd Bernie Attridge: Yn dilyn cymeradwyaeth gan Lywodraeth Cymru, mae’n bleser gennyf gyhoeddi y gall y gwaith o osod yr arwyddion 20mya ddechrau’n awr. Mae gosod terfyn cyflymder o 20mya y tu allan i ysgolion y Sir wedi bod yn flaenoriaeth i’r weinyddiaeth hon, a bydd y trefniadau newydd yn helpu i wella diogelwch ar y ffyrdd drwy sicrhau bod gyrwyr yn fwy ymwybodol o leoliad ysgolion ac yn gyrru’n arafach. Mae cyflymder yn amlwg yn allweddol i ddiogelwch ar y ffyrdd ac mae hyn yn gam pwysig ymlaen o ran sicrhau diogelwch ein plant.”