Gwybodaeth am ffynonellau cymorth i bobl ifanc ynghylch rhyw. Mae’n darparu ystod eang o ffeithiau, straeon personol a chyngor.

Lleol

Clinigau Iechyd Rhywiol

Canolfan Iechyd Cei Connah
Ffordd y Fron
Cei Connah
01244 813486
Dydd Llun 9:30am - 7:00pm

Clinig yr Wyddgrug
Stryd y Brenin
Yr Wyddgrug
01352 753637
Dydd Iau 9:30am - 7:00pm

Gelwir clinigau iechyd rhywiol weithiau'n glinigau meddygaeth cenhedlolwrinol (GUM). Mae GUM yn ymdrin ag organau rhywiol dynion a menywod, yn ogystal â'r system wrinol. Gallwch wneud apwyntiad i weld rhywun mewn clinig iechyd rhywiol heb gael eich atgyfeirio gan eich meddyg teulu.

Mae clinigau iechyd rhywiol yn gallu rhoi profion i chi ar gyfer problemau iechyd rhywiol ac wrinol - megis heintiau a drosglwyddir yn rhywiol (STIs), cystitis, a'r llindag (thrush). Yn y rhan fwyaf o glinigau GUM, gallwch wneud apwyntiad i gael archwiliad cyffredinol, sydd hefyd yn cynnwys profion am amrywiol STIs.

Mae clinigau GUM hefyd yn rhoi cyngor am atal cenhedlu, gan gynnwys atal cenhedlu argyfwng, rhad ac am ddim, a chondomau. Mae'n bosib y gall rhai clinigau ysgrifennu presgripsiwn am y bilsen atal cenhedlu, a rhoi profion ceg y groth i chi. Maent hefyd yn gallu cynnig cyngor a chwnsela ynglŷn ag ystod o faterion yn ymwneud ag iechyd rhywiol, a rhoi cefnogaeth i chi os ydych chi'n cael prawf HIV, neu os ydych chi wedi cael diagnosis eich bod yn HIV cadarnhaol.

Pan fyddwch yn ymweld â chlining GUM, mae popeth a drafodir yn gwbl gyfrinachol. Ni fydd eich meddyg teulu'n cael gwybod am eich ymweliad, a does dim rhaid i chi roi eich enw go iawn, os nad ydych chi eisiau.

Cenedlaethol

NHS

Ewch i Wefan

Nid yw siarad am ryw oes rhaid iddo fod mor anodd ag y byddwch yn ei feddwl. Boed yn gwybod am eich dewisiadau atal cenhedlu, gan esbonio STIs, ymdopi ag emosiynau neu ddeall eich corff, byddwch yn dod o hyd i wybodaeth syml a chyngor i'w gwneud yn haws trafod popeth yn ymwneud ag iechyd rhywiol, i'r dde yma. Rhyw. Werth siarad am.

Brook

Ewch i Wefan

Llinell gymorth Rhif ffôn: 0808 802 1234
Am ddim o ffôn tŷ: Ydy
Am ddim o ffôn symudol: Ydy
Ymddangos ar fil ffôn: Nac ydy
Oriau Agor: Dydd Llun – dydd Gwener 9:00am - 5:00pm

Gall unrhyw un ofyn unrhyw beth i Brook am iechyd rhywiol, gan gynnwys gwybodaeth, cefnogaeth a chyfeiriad ynglŷn â chydberthnasau, atal cenhedlu, erthyliad, gofidiau corfforol yng nghyswllt iechyd rhywiol, heintiau rhywiol a rhywioldeb.

Dywedwch wrthym ni beth sy'n eich poeni, a wnawn ni ddim chwerthin, twtio na dweud. Mae gwasanaeth gwybodaeth Ask Brook yn cynnig llinell gymorth gyfrinachol, gwasanaeth ymholiadau ar-lein a gwasanaeth gwybodaeth testun.

Mae Ask Brook ar gael yn rhad ac am ddim, ac yn gyfrinachol, i bob person ifanc dan 25 oed.

Mae’n cynnig cymorth i ferched ifanc a allai fod yn feichiog. Mae’n cynnwys manylion gwasanaethau cynghori, cyfleusterau iechyd a rhwydweithiau cymdeithasol.

Lleol

Nyrsys Ysgol ac Meddyg(on)

Wedi'u lleoli mewn Ysgolion Uwchradd
I gael gwybod mwy am eich nyrs ysgol benodol chi:

Canolfan Plant Sir y Fflint
Tŷ Catherine Gladstone
Hawarden Way
Mancot
CH5 2EP
01244 538883

Mae Nyrsys Ysgol, neu Ymgynghorwyr Iechyd Pobl Ifanc (YIPI) wedi'u lleoli mewn ysgolion cynradd ac uwchradd, y naill a'r llall, ledled Sir y Fflint.

Gallwch siarad ag YIPI am unrhyw broblem iechyd neu les y gallech chi fod yn ei dioddef. Ni wnân nhw eich barnu chi, ac maen nhw wedi arfer siarad â phobl ifanc am bob math o salwch a phroblem. Rydyn ni'n gwybod ei bod hi weithiau'n gallu bod yn anodd neu'n destun embaras gofyn am help, ond fe wnawn ein gorau i wneud pethau'n haws i chi mewn unrhyw ffordd y gallwn.

Mae gan YIPI gysylltiadau â sawl gwasanaeth arall, yn lleol ac yn genedlaethol, ac mae'n bosib y gallai'r rhain roi cymorth pellach i chi efo unrhyw broblemau. Maent yn fwy na pharod i roi manylion ynglŷn â'r gwasanaethau hyn i chi, dim ond i chi ofyn.

Clinigau Iechyd Rhywiol

Canolfan Iechyd Cei Connah
Y Ganolfan Ddinesig
Rhodfa Gwepra
Cei Connah
01244 813486
Dydd Llun 9:30am - 7:00pm

Clinig yr Wyddgrug
Heol y Brenin
Yr Wyddgrug
01352 753637
Dydd Iau 9:30am - 7:00pm

Gelwir clinigau iechyd rhywiol weithiau'n glinigau meddygaeth cenhedlolwrinol (GUM). Mae GUM yn ymdrin ag organau rhywiol dynion a menywod, yn ogystal â'r system wrinol. Gallwch wneud apwyntiad i weld rhywun mewn clinig iechyd rhywiol heb gael eich atgyfeirio gan eich meddyg teulu.

Mae clinigau iechyd rhywiol yn gallu rhoi profion i chi ar gyfer problemau iechyd rhywiol ac wrinol - megis heintiau a drosglwyddir yn rhywiol (STIs), cystitis, a'r llindag (thrush). Yn y rhan fwyaf o glinigau GUM, gallwch wneud apwyntiad i gael archwiliad cyffredinol, sydd hefyd yn cynnwys profion am amrywiol STIs.

Mae clinigau GUM hefyd yn rhoi cyngor am atal cenhedlu, gan gynnwys atal cenhedlu argyfwng, rhad ac am ddim, a chondomau. Mae'n bosib y gall rhai clinigau ysgrifennu presgripsiwn am y bilsen atal cenhedlu, a rhoi profion ceg y groth i chi. Maent hefyd yn gallu cynnig cyngor a chwnsela ynglŷn ag ystod o faterion yn ymwneud ag iechyd rhywiol, a rhoi cefnogaeth i chi os ydych chi'n cael prawf HIV, neu os ydych chi wedi cael diagnosis eich bod yn HIV cadarnhaol.

Pan fyddwch yn ymweld â chlinig GUM, mae popeth a drafodir yn gwbl gyfrinachol. Ni fydd eich meddyg teulu'n cael gwybod am eich ymweliad, a does dim rhaid i chi roi eich enw go iawn, os nad ydych chi eisiau.

Cenedlaethol

Baby Centre

Ewch i Wefan

Yn y Baby Centre, rydyn ni'n gwybod nad ydy bod yn rhiant yn hawdd bob amser. Os ydych chi'n rhiant ifanc, mae'n bosib y gwelwch y bydd y newidiadau o'ch blaen hyd yn oed yn fwy anodd. Peidiwch â phanicio, rydyn ni yma i helpu.

Mae ein hadran Rhieni Ifanc yn cynnwys llwyth o gyngor arbenigol. Ceir cynghorion ynglŷn â chael beichiogrwydd iach, sut bydd eich corff yn newid dros y misoedd i ddod - a sut i leihau’r straen o ddod yn rhiant newydd. Ceir cyngor am beth i'w wneud ar ôl i'ch babi gyrraedd, a gallwch ofyn unrhyw gwestiynau a allai fod gennych i'n harbenigwyr preswyl.

Ceir hefyd lu o straeon gan rieni ifanc eraill. Os oes angen cefnogaeth arnoch chi gan bobl ifanc sy'n gwybod yn union beth rydych chi'n mynd trwyddo, ein bwletin negeseuon ydy'r lle i chi.

BPAS 'British Pregnancy Advisory Service'

Ewch i Wefan

Llinell gymorth: Rhif ffôn: 03457 30 40 30
Am ddim o ffôn tŷ: Nac ydy
Am ddim o ffôn symudol: Nac ydy
Ymddangos ar fil ffôn: Ydy
Oriau Agor: Bob amser ar Agor

Mae BPAS 'Gwasanaeth Ymgynghorol Beichiogrwydd' Prydain yn rhoi cefnogaeth i filoedd o ferched ledled y DU. Os ydych chi wedi canfod eich bod yn feichiog, neu'n credu y gallech chi fod, rydyn ni'n gwybod y gallech chi fod yn teimlo'n bryderus ac yn ofnus. Rydyn ni yma i helpu.

Mae staff ein llinell gymorth yn brofiadol ac yn gyfeillgar iawn, ac ni wnaiff dim a ddywedwch wrthynt roi sioc iddynt. Byddwn yn cadw popeth a ddywedwch chi wrthym ni yn gwbl gyfrinachol.

Gallwn roi gwybodaeth am brofion beichiogrwydd, erthyliad, atal cenhedlu argyfwng a'ch hawliau. Mae gennym ni hefyd fanylion gwasanaethau lleol a allai eich helpu

Net Mums

Ewch i Wefan

Mae Netmums yn rhwydwaith lleol unigryw ar gyfer Mamau a Thadau sy'n cynnig stôr o wybodaeth ar lefel leol a chenedlaethol.

Unwaith y byddwch wedi cofrestru ar eich safle lleol, gallwch gael manylion am bob math o adnoddau, o gaffis sy'n croesawu plant i warchodwyr, llefydd i fynd, a llawer, llawer mwy. Clic neu ddau, a gallwch sgwrsio â mamau lleol yn eich caffi coffi, darllen argymhellion lleol mamau eraill a darllen gwybodaeth am ddarpariaeth cyn-ysgol neu ysgolion yn eich ardal. Mae'r cyfan yma, dan un to. Mae gennym hefyd ein tîm cefnogi rhieni preswyl, sy'n barod i helpu gydag unrhyw broblemau neu gwestiynau a allai fod gennych.

Rydyn ni'n gwybod pa mor anodd yw bod yn rhiant weithiau – mae'n bosib eich bod yn teimlo'n flinedig, dan straen neu'n unig. Drwy ein gwefan, ein gobaith ydy eich rhoi mewn cysylltiad ag eraill sy'n gallu eich helpu, yn enwedig y rheiny sydd mewn sefyllfa debyg sy'n gwybod yn union beth rydych chi'n mynd trwyddo. Os nad ydych chi'n gallu dod o hyd i'r hyn sydd ei angen arnoch chi ar y safle, mae croeso i chi anfon e-bost aton ni, ac fe wnawn ein gorau i'ch helpu chi.

"Which? Choice Geni

Ewch i Wefan

"Which? Choice Geni yn wefan sy'n darparu angen i famau beichiog popeth ei wybod i benderfynu ble i roi genedigaeth. Fel corff nid-er-elw, Which? Eisiau defnyddio data sydd ar gael i rymuso menywod i wneud penderfyniad gwybodus ynghylch lle i roi genedigaeth. Felly, mewn partneriaeth â'r BirthChoiceUK arbenigwyr data mamolaeth, Which? Geni Dewis ei lansio ym Ionawr 2014.

Mae'r rhydd i ddefnyddio gwefan yn helpu rhieni sy'n disgwyl i ddeall eu dewisiadau geni trwy ddarparu trosolwg o'r gwahanol amgylcheddau geni i helpu menywod i benderfynu a fyddent yn hoffi cael eu baban mewn ward esgor, canolfan geni neu gartref. Mae ein hadnodd rhyngweithiol 'Dewch o hyd a Cymharwch' yn ystyried dewisiadau ac amgylchiadau unigolyn ac yn gofyn am eu cod post i awgrymu a fyddai gosod mamolaeth fod yn eu cyd-fynd orau. Mae pob uned famolaeth yn y DU Mae gan dudalen uned unigol fel y gall menywod a'u partneriaid Gall gael gwybod mwy.

Ffôn: 01992 822800

0830 - 1800 Llun i ddydd Gwener         0900 - 1300 Dydd Sadwrn 

Gwybodaeth a help i bobl ifanc y mae cam-drin rhywiol a/neu drais rhywiol yn effeithio arnynt. Mae’n cynnwys manylion cyswllt llinellau cymorth cyfrinachol a ffynonellau cymorth lleol.

Lleol

Cyngor Iechyd Cyfrinachol ar gyfer Pobl Ifanc yn eu Harddegau (CHAT)

Prif linell 01244 538883

CHAT Bwcle Clinig Iechyd
Ffordd Padeswood
Bwcle
01244 545277
Dydd Iau 4:00pm - 5:30pm

CHAT Treffynnon
Siop Gwybodaeth Ieuenctid Treffynnon
79 Heol Fawr
Treffynnon
01352 717818
Dydd Mercher 3:30pm - 5:00pm

Mae sesiynau Cyngor Iechyd Cyfrinachol ar gyfer Pobl Ifanc yn eu Harddegau yn darparu gwybodaeth am bob agwedd ar iechyd corfforol ac iechyd meddwl, y naill a'r llall. Nyrsys ysgol sy'n cynnal y sesiynau gan amlaf. Os oes gennych chi ryw fath o bryder ynghylch eich lles, peidiwch â dioddef yn dawel – dewch draw i un o'n sesiynau galw-heibio, a gwnawn ein gorau i helpu.

Bydd unrhyw beth y byddwch yn ei ddweud wrthym ni'n cael ei gadw'n gwbl gyfrinachol – wnawn ni ddim dweud wrth neb, os nad ydych chi eisiau i ni ddweud. Rydyn ni'n gyfeillgar ac yn deall eich sefyllfa, ac rydyn ni'n gwybod mor anodd yw hi weithiau i siarad am eich problemau. Rydyn ni'n gallu rhoi cyngor am wahanol fathau o salwch, gwybodaeth am sut i gadw'n iach, ac awgrymiadau ar gyfer y camau i'w cymryd os ydych chi'n poeni am iechyd rhywun arall.

Mae gennym ni hefyd gysylltiadau â gwasanaethau iechyd a gwasanaethau cefnogi eraill a allai eich helpu – gallwn roi eu manylion cyswllt i chi, dim ond i chi ofyn.

Nyrsys Ysgol ac Meddyg(on)

Wedi'u lleoli mewn Ysgolion Uwchradd

I gael gwybod mwy am eich nyrs ysgol benodol chi:

Canolfan Plant Sir y Fflint
Tŷ Catherine Gladstone
Hawarden Way
Mancot
CH5 2EP
01244 538883

Mae Nyrsys Ysgol, neu Ymgynghorwyr Iechyd Pobl Ifanc (YIPI) wedi'u lleoli mewn ysgolion cynradd ac uwchradd, y naill a'r llall, ledled Sir y Fflint.

Gallwch siarad ag YIPI am unrhyw broblem iechyd neu les y gallech chi fod yn ei dioddef. Ni wnân nhw eich barnu chi, ac maen nhw wedi arfer siarad â phobl ifanc am bob math o salwch a phroblem. Rydyn ni'n gwybod ei bod hi weithiau'n gallu bod yn anodd neu'n destun embaras gofyn am help, ond fe wnawn ein gorau i wneud pethau'n haws i chi mewn unrhyw ffordd y gallwn.

Mae gan YIPI gysylltiadau â sawl gwasanaeth arall, yn lleol ac yn genedlaethol, ac mae'n bosib y gallai'r rhain roi cymorth pellach i chi efo unrhyw broblemau. Maent yn fwy na pharod i roi manylion ynglŷn â'r gwasanaethau hyn i chi, dim ond i chi ofyn.

Cenedlaethol

ChildLine

Ewch i Wefan

Llinell gymorth Rhif ffôn: 0800 1111
Am ddim o ffôn tŷ: Ydy
Am ddim o ffôn symudol: Ydy
Ymddangos ar fil ffôn: Nac ydy
Oriau Agor: Bob amser ar Agor

Mae ChildLine yn llinell gymorth arbennig ar gyfer plant a phobl ifanc. Pan fyddwch yn ein ffonio ni, gallwch siarad â rhywun sy'n poeni am eich problemau. Mae'r cwnselwyr i gyd wedi derbyn hyfforddiant – mi wnawn ni wrando arnoch chi a cheisio eich helpu.

Mae galwadau i ChildLine yn gyfrinachol - gallwch siarad am unrhyw beth y mynnwch chi, ac ni wnawn ni ddweud dim wrth neb arall, os nad ydych chi eisiau i ni ddweud. Ni fydd eich cwnselydd ChildLine yn cymryd unrhyw gamau, heblaw eu bod yn teimlo bod eich bywyd mewn perygl. Os ydych chi'n ofnus, neu'n teimlo allan o reolaeth, mae hynny'n ffein. Gallwch ddweud wrthym ni.

Mae siarad yn agored am broblemau neu siarad am eich teimladau'n gallu bod yn wirioneddol anodd, ond dyna'r peth iawn i'w wneud. Meddyliwch gymaint gwell y byddwch chi'n teimlo os ydych chi'n gallu siarad am y peth yn gyfrinachol â rhywun. Ein gwaith ni ydy gwrando arnoch chi, ac weithiau eich rhoi mewn cysylltiad â rhywun arall sy'n gallu eich helpu - os ydych chi'n fodlon.

Family Matters

Ewch i Wefan

Llinell gymorth Rhif ffôn: 01474 537 392
Am ddim o ffôn tŷ: Nac ydy
Am ddim o ffôn symudol: Nac ydy
Ymddangos ar fil ffôn: Ydy
Oriau Agor: Dydd Llun – dydd Gwener 9:00am - 5:00pm

Mae Family Matters llinell gymorth ar gyfer pobl sydd wedi dioddef cam-drin rhywiol neu drais. Os ydych chi'n un o'r bobl ifanc niferus sydd wedi'u heffeithio gan y mater hwn, un o'r sialensiau mwyaf a wynebwch ydy penderfynu siarad efo rhywun. Rydyn ni'n gwybod bod hwn yn gallu ymddangos yn gam anferthol.

Pan fyddwch yn ffonio ein llinell gymorth, byddwn yn cynnig i chi wasanaeth diogel a chyfrinachol i archwilio'r meddyliau, y teimladau a'r ymddygiad sy'n effeithio ar eich bywyd. Mae holl wirfoddolwyr ein llinell gymorth yn derbyn hyfforddiant arbennig, ac maent yn gyfeillgar ac yn gydymdeimladol.

Byddwn yn gwrando, yn cynnig cefnogaeth a help wrth i chi ganfod ffordd drwy rai o'r anawsterau yr ydych yn eu profi a sut maent yn effeithio ar eich lles. Rydyn ni'n gobeithio y gallwn leihau'r trallod meddyliol a chorfforol y gallech fod yn ei brofi. Gallwn hefyd eich helpu i ddelio â meddyliau am niweidio neu ladd eich hun. Os nad ydyn ni'n gallu eich helpu chi'n uniongyrchol, gallwn eich rhoi mewn cysylltiad â gwasanaethau eraill a allai fod yn ddefnyddiol i chi – os ydy hyn yn rhywbeth yr hoffech chi i ni ei wneud.

SANELine

Ewch i Wefan

Llinell gymorth Rhif ffôn: 0845 767 8000
Am ddim o ffôn tŷ: Nac ydy
Am ddim o ffôn symudol: Nac ydy
Ymddangos ar fil ffôn: Ydy
Oriau Agor: Bob dydd 6:00pm - 11:00pm

Pan fyddwch chi'n ffonio SANELine, efallai eich bod yn ffonio i siarad â rhywun am y tro cyntaf, neu efallai eich bod wedi bod yn dioddef problemau iechyd meddwl ers tro. Mae'n bosib eich bod yn teimlo fel lladd eich hun neu mewn argyfwng – neu efallai eich bod yn poeni am rywun arall.

Beth bynnag y bo'r rheswm, mae pob galwad a wneir i'n llinell gymorth yn gyfrinachol – does dim rhaid i chi roi eich enw i ni hyd yn oed, ac ni rennir unrhyw fanylion a roddwch i ni â neb arall. Mae ein gwirfoddolwyr cyfeillgar yno i gynnig cefnogaeth a gwybodaeth gyfredol gywir i chi.

Ynghyd â darparu gwybodaeth a chyngor am unrhyw agwedd ar iechyd meddwl, gallwn hefyd eich rhoi mewn cysylltiad â ffynonellau cefnogaeth eraill a allai helpu. Mae ein llinellau'n gallu mynd yn brysur iawn, ond rydyn ni wir eisiau clywed gennych chi, felly os nad ydych chi'n cael drwodd y tro cyntaf, daliwch i drïo, da chi. Mae diwedd y prynhawn neu gyda'r nos yn gallu bod yn amser da i ffonio.