Dewch i siarad: Byw yn Sir y Fflint

Arolwg Preswylwyr Cenedlaethol 

Rhwng mis Medi a mis Tachwedd 2025, cymerodd y Cyngor ran yn yr Arolwg Preswylwyr Cenedlaethol.     

Wedi’i ddatblygu a’i gydlynu gan Gymdeithas Llywodraeth Leol Cymru (Data Cymru gynt), cynigir yr arolwg ar-lein hwn a gynhelir bob dwy flynedd yn rhad ac am ddim i unrhyw Gyngor yng Nghymru sy’n dymuno cymryd rhan.   Bwriad yr arolwg yw darparu trosolwg manwl o fodlonrwydd cyffredinol pobl â’u hardal leol (‘beth’ mae pobl yn feddwl).   Nid yw’n casglu data manwl sy’n helpu i ddeall ‘pam’ fod pobl yn meddwl mewn ffordd arbennig.  

Er gwaethaf ymdrechion gorau’r Cyngor i hyrwyddo’r arolwg drwy ystod o’r sianeli sydd ar gael:

• gwefan
• cyfryngau cymdeithasol
• cyfryngau lleol
• rhwydweithiau proffesiynol (h.y. pobl hŷn, pobl iau, ac ati)
• Cynghorwyr Sir
• Cynghorau Tref a Chymuned
• darparu cefnogaeth ddigidol drwy Ganolfannau Sir y Fflint yn Cysylltu a Gwasanaeth Llyfrgell Symudol Gwella

roedd y gyfradd ymateb yn siomedig iawn gyda llai nag 1% o boblogaeth Sir y Fflint yn cymryd rhan, ac yn anffodus, ni ellir ystyried hyn fel cynrychiolaeth o farn poblogaeth ehangach Sir y Fflint.   

Heb fynediad at wybodaeth fwy manwl yn egluro ‘pam’, mae’n amhosibl datblygu cynllun gweithredu cynhwysfawr ar gyfer gwelliant gydag unrhyw lefel o hyder neu sicrwydd, ac o ystyried y gyfradd ymateb siomedig, ynghyd â’r cyfyngiadau hyn, ni ystyriwyd ei bod yn gymesur dyrannu adnoddau pellach i ddadansoddi’r wybodaeth a gasglwyd yn ddiweddar.  

Er bod canlyniad yr arolwg hwn yn siomedig i’r Cyngor, hoffem sicrhau preswylwyr: 

• bod gennym fynediad at adborth/data mwy manwl gan breswylwyr yn ymwneud â phynciau sydd wedi’u cynnwys yn yr Arolwg Preswylwyr Cenedlaethol, a ddefnyddir ar gyfer cynllunio gwelliant cynhwysfawr.   
  
  
• byddwn yn ystyried pa gamau sydd eu hangen i sicrhau rhagor o ymgysylltiad â phreswylwyr ar y materion pwysig hyn yn y dyfodol.