Gwneud yr addewid #ByddGaredigArLeinCSFf
Gwnewch wahaniaeth cadarnhaol heddiw! Gallwch wneud yr addewid drwy ddilyn un o’r dolenni isod:
Mewn byd o dechnoleg a chyfryngau cymdeithasol sy’n esblygu, mae bod ar-lein yn dod yn fwy o ran o’n bywydau bob dydd.
Mae cyfathrebu ar-lein wedi cynyddu yn ystod pandemig Covid-19, gan helpu teuluoedd, ffrindiau a chymdogion i gadw mewn cysylltiad a galluogi nifer o bobl i weithio o gartref.
Er bod y rhyngrwyd yn gwneud cyfraniad cadarnhaol i’n bywydau, yn anffodus mae hefyd yn gallu cael ei gamddefnyddio gan bobl y tu ôl i sgriniau a bysellfyrddau.
Beth yw Seiberfwlio?
Dyma ddiffiniad gan Unicef: seiberfwlio yw bwlio sy’n defnyddio technolegau digidol. Gall ddigwydd ar gyfryngau cymdeithasol, platfformau negeseuon, platfformau chwarae gemau a ffonau symudol. Ymddygiad ailadroddus ydyw sydd â’r nod o ddychryn, gwylltio neu godi cywilydd ar y rhai sy’n cael eu targedu.
Mae enghreifftiau yn cynnwys:
• lledaenu celwydd neu rannu lluniau allai achosi embaras i rywun ar gyfryngau cymdeithasol.
• anfon negeseuon cas neu fygythiadau trwy gyfrwng platfformau negeseuon.
• cymryd arnynt eu bod yn rhywun arall ac anfon negeseuon cas at bobl eraill ar eu rhan.
Gall bwlio wyneb yn wyneb a seibrfwlio ddigwydd ar y cyd yn aml iawn. Ond mae seiberfwlio yn gadael ôl-troed digidol - cofnod all fod yn ddefnyddiol a darparu tystiolaeth i roi stop ar y gamdriniaeth.
Addewid #BodYnGaredigArLeinCSFf
Rhestr wirio syml ar-lein yw Addewid Bod yn Garedig Ar-lein Sir y Fflint sydd yn annog pobl i ymrwymo i bum addewid gyda’r nod o feddwl eto am ein hymddygiad ar-lein a chroesawu parch, empathi a charedigrwydd.
Gallwch wneud addewid fel unigolyn, fel ysgol neu fel busnes.
Gyda’ch cymorth chi, rydym eisiau codi ymwybyddiaeth ynghylch defnyddio’r rhyngrwyd a chyfryngau cymdeithasol yn gyfrifol a rhoi stop ar seiberfwlio yn ein cymunedau.
Pa ddulliau eraill y gallaf i gymryd rhan?
Gallwch ddangos eich cefnogaeth drwy rannu addewid ar gyfryngau cymdeithasol - gallwch wneud hyn drwy:
• Lawrlwytho’r cerdyn addewid
• Ysgrifennu eich addewid eich hun ar y cerdyn
• Tynnu hun-lun o’ch addewid - neu gofyn i rywun dynnu eich llun• Ei rannu ar eich cyfryngau cymdeithasol
• Defnyddio’r hashnod #BodYnGaredigArLeinCSFf
Cliciwch ar y ddelwedd i chwarae’r fideo
Ffyrdd y gallwn ddangos caredigrwydd ar-lein
Beth am wneud rhywbeth caredig ar-lein ac annog pobl eraill i wneud yr un fath?
Fe allech chi…
• Hoffi negeseuon ffrindiau ar gyfryngau cymdeithasol i wneud iddynt deimlo’n dda
• Canmol rhywun
• Anfon sylwadau cefnogol at ffrindiau ar gyfryngau cymdeithasol os ydyw’n ymddangos eu bod yn teimlo’n isel
• Rhannu neges sy’n ysbrydoli
• Hyrwyddo busnes bach / lleol drwy adael adolygiad cadarnhaol ar-lein
• Ticio’r blwch cymorth rhodd ar-lein pan fyddwch chi’n prynu tocyn neu’n rhoi arian i elusen
• Rhoi adolygiadau cadarnhaol i lyfrau / ffilmiau / albymau rydych chi’n eu hoffi
• Cefnogi prosiect codi arian ar-lein
• Cefnogi rhywun ar LinkedIn
• Addysgu rhywun sut i wneud rhywbeth newydd ar y rhyngrwyd