Hafan > Preswyl > Gwasanaethau Stryd > Codi posteri ac arwyddion yn anghyfreithlon

Codi posteri ac arwyddion yn anghyfreithlon

Arddangos hysbysiadau, hysbysebion a deunyddiau hysbysebu eraill wedi’u printio e.e. hysbyslenni a phosteri ar adeiladau, celfi stryd neu ar hyd priffyrdd heb gael caniatâd y perchennog neu ganiatâd angenrheidiol gan Adran Gynllunio’r Awdurdod Lleol yw hyn.

Mae gosod posteri yn anghyfreithlon o dan Reoliadau Cynllunio Gwlad a Thref (Rheoli Hysbysebion) 1992, Deddf Priffyrdd 1980 a Deddf Cymdogaethau Glân a’r Amgylchedd 2005 a gall troseddwyr gael eu herlyn.  Mae gan yr heddlu bwerau i gymryd yr offer a ddefnyddir gan droseddwyr oddi wrthynt, gan gynnwys eu cerbydau.

Os ydych yn bwriadu codi hysbyseb, gofalwch eich bod yn darllen Nodyn Cyfarwyddyd Cynllunio Lleol 16 (PDF 89KB ffenestr newydd) cyn gwneud hynny.  Mae’r canllaw hwn yn esbonio pa hysbysebion sy’n gorfod cael caniatâd a pha rai sydd ddim.

Rhowch wybod i ni

Cysyllti A Ni - Gwasanaethau Stryd

Fel arall:

  • Lawrlwytho Ap Sir y Fflint! – rhowch wybod i ni drwy ddefnyddio’ch teclyn symudol. Gallwch ddewis rhoi gwybod am broblemau’n ddi-enw neu gallwch gofrestru. Manteision cofrestru yw y byddwch yn derbyn diweddariadau am gynnydd eich adroddiad, gallwch weld eich holl adroddiadau blaenorol a rhoi adborth.
  • Defnyddiwch rif ffôn y Gwasanaethau Stryd a siaradwch ag ymgynghorydd.

Beth sy’n digwydd nesaf?

Os ydych wedi darparu cyfeiriad e-bost byddwch yn derbyn neges gydnabod gyda’ch cyfeirnod ac yna diweddariad o gynnydd yn nes ymlaen. Os nad ydych wedi darparu cyfeiriad e-bost gallwch gysylltu â gwasanaethaustryd@siryfflint.gov.uk am ddiweddariad.

Mae’r Tîm Gorfodi Cynllunio’n ymdrin ag unrhyw hysbysebion a arddangosir ar dir ac adeiladau preifat.  Gallant gynnig cyfarwyddyd a chyngor ynglŷn â chydymffurfio â’r rheoliadau a chymryd camau i sicrhau eu bod yn cael eu tynnu i lawr yn ôl yr angen.  Mae’n bosibl y bydd achosion troseddol yn cael eu cymryd yn erbyn y rheiny sy’n methu ag ymateb yn bositif i’r cyngor a roddir iddynt. Os gwelwn fod angen tynnu hysbyseb i lawr, byddwn yn codi tâl ar y perchennog am ei dynnu i lawr a’i storio.

Ar dir cyhoeddus neu eiddo’r Cyngor, rydym yn anelu at dynnu posteri sydd wedi’u gosod yn anghyfreithlon o fewn 5 diwrnod ar ôl cael ein hysbysu. Os credir bod y posteri’n achosi perygl i ddefnyddwyr priffyrdd, byddant yn cael eu tynnu i lawr cyn pen 24 awr.

Ni fyddwn yn tynnu posteri sydd wedi’u gosod yn anghyfreithlon ar adeiladau preifat.