Hafan > Preswyl > Biniau, Ailgylchu a Gwastraff > Casglu eitem swmpus / dodrefn

Casglu eitem swmpus / dodrefn

Rhoi i elusen

Mae'r elusennau lleol Refurbs Flintshire (01352 734111) yn gallu casglu dodrefn ac eitemau trydanol y gellir eu hailddefnyddio yn rhad ac am ddim o garreg eich drws.  Fel arall, hysbysebwch nhw ar wefan Freecycle / Freegle.

Cymryd yr eitem i'r domen

Os gallwch chi symud yr eitem eich hun, mae modd cael gwared ar ystod o eitemau yn rhad ac am ddim yn eich tomen ysbwriel (canolfan ailgylchu) leol, gan gynnwys pren, rwbel, pridd, asbestos a gwastraff peryglus.

Eitemau y gallwn ni eu casglu

Rhestr o eitemau y gallwn ni eu casglu 

Symudir oergelloedd a rhewgelloedd yn rhad ac am ddim o bob cartref.

Ni allwn gasglu eitemau oni bai eu bod nhw ar y rhestr, ond gallwch fynd â'r mwyafrif o eitemau i'r domen.

Costau (yn cynnwys TAW)

TÂL AM HYD AT 5 EITEM = £40.00
TÂL AM BOB EITEM YCHWANEGOL = £ 5.00
Uchafswm y nifer o eitemau ychwanegol yw 5 (h.y. taliad uchafswm o £65.00 am weithrediad gyda 10 eitem i gyd)

Nodwch y bydd y taliadau gostyngol canlynol ar gyfer casgliadau swmpus yn dod i rym o 1 Mai, 2015 - trigolion sy'n hawlio budd-daliadau(Cymhorthdal Incwm, Lwfans Ceiswyr Gwaith (yn seiliedig ar incwm), Lwfans Cyflogaeth a Chymorth (yn gysylltiedig ag incwm), Lwfans Byw i'r Anabl (DLA) / Taliad Annibyniaeth Bersonol, Pensiwn y Wladwriaeth neu Gredydau Pensiwn Gwarantedig. Bydd angen i chi gyflwyno prawf eich bod yn derbyn budd-dal.)

TÂL AM HYD AT 5 EITEM = £20.00
TÂL AM BOB EITEM YCHWANEGOL = £ 5.00
Uchafswm y nifer o eitemau ychwanegol yw 5 (h.y. taliad uchafswm o £45.00 am weithrediad gyda 10 eitem i gyd)

Tal Cerdyn Credyd

Trefnu casgliad

Bydd angen i chi gyflwyno manylion eich budd-dal/pensiwn i ni i os ydych yn gymwys i gael gwasanaeth casglu gostyngol.

Ffoniwch 01352 701234 i dalu trwy gerdyn credyd/debyd.

Anfonwch siec trwy'r post yn daladwy i 'Gyngor Sir y Fflint' ynghyd â rhestr o'r eitemau i'w casglu, eich enw, eich cyfeiriad a chopïau o fanylion eich budd-dal/pensiwn at Gwasanaethau Streetscene, Depo Alltami, Ffordd Yr Wyddgrug, Alltami, Sir y Fflint CH7 6LG.

Galwch heibio i swyddfa Sir y Fflint yn Cysylltu: Bwcle / Treffynnon / Y Fflint / Cei Connah / Yr Wyddgrug.  Rydym yn derbyn arian parod, cardiau debyd neu gardiau credyd.

Byddwn yn casglu'r eitem(au) o fewn 6 diwrnod.

Amodau a chyfyngiadau

  • Rhaid i chi osod yr eitemau y tu allan i’ch eiddo ond o fewn y terfyn (e.e. gardd ffrynt/rhodfa) o’r amser y mae’ch casgliad wedi’i bennu.
  • Ni allwn ddod i mewn i'ch cartref i helpu gyda'r paratoadau neu'r gwaredu.
  • Peidiwch â gadael yr eitemau ar lwybr troed neu ar y ffordd oherwydd gallai hynny arwain at eich erlyn am dipio anghyfreithlon.
  • Mae'n rhaid bod y cerbyd casglu yn gallu parcio ar eich ffordd, heb gael ei rwystro na'i atal gan gerbydau eraill.
  • O ran eiddo â mynediad trafferthus, e.e. fflatiau, rhaid cytuno ar fan casglu gyda ni o flaen llaw.
  • Yr eitemau rydych chi wedi eu rhag-archebu yn unig y byddwn yn eu casglu.
  • Cadwn yr hawl i wrthod casglu eitemau a allai achosi niwed i'r staff casglu.
  • Gofynnwn i chi orchuddio eitemau sy'n debygol o amsugno dŵr glaw.
  • Byddwn yn ceisio ailddefnyddio neu ailgylchu cymaint o'ch gwastraff ag y gallwn.