Gorchymyn Gwarchod Mannau Cyhoeddus Rheoli Alcohol 2026
Canlyniadau ar gael
Mae'r ymatebion wedi'u dadansoddi a'u cyhoeddi isod
Hysbysiad o Orchymyn Diogelu Mannau Cyhoeddus Rheoli Alcohol
Cymeradwyodd Cabinet Cyngor Sir y Fflint estyniad ac amrywiaeth yr Orchymyn Diogelu Mannau Cyhoeddus (PSPO) Rheoli Alcohol ar 13 Hydref 2026.
Beth yw Gorchymyn Gwarchod Mannau Cyhoeddus?
Mae Gorchmynion Gwarchod Mannau Cyhoeddus yn un o nifer o bwerau a gyflwynwyd dan Ddeddf Ymddygiad Gwrthgymdeithasol, Troseddu a Phlismona 2014. Fe’u lluniwyd i atal unigolion neu grwpiau rhag ymddwyn mewn modd gwrthgymdeithasol mewn man cyhoeddus sy’n cael, neu'n debygol o gael, effaith andwyol ar ansawdd bywyd y bobl sydd yn yr ardal. Mae’n rhaid i’r ymddygiad fod yn afresymol ac yn barhaus o ran ei natur.
Yn 2017, cyflwynodd Cyngor Sir y Fflint Orchymyn Gwarchod Mannau Cyhoeddus Rheoli Alcohol am y tro cyntaf. Ers hynny mae'r Gorchymyn hwn wedi'i adnewyddu bob tair blynedd. Yn dilyn ymgynghoriad cyhoeddus ac ymgynghoriad â rhanddeiliaid, bydd y Gorchymyn bellach yn cael ei ymestyn am gyfnod pellach o dair blynedd, hyd at ddiwedd fis Hydref 2029.
Y gwaharddiadau yw:
(a) mae unrhyw un sydd, heb esgus rhesymol, yn parhau i yfed diod feddwol mewn man cyhoeddus o fewn yr Ardal Gyfyngedig pan fydd swyddog awdurdodedig yn gofyn iddo beidio, yn cyflawni trosedd.
(b) mae unrhyw un sydd, mewn man cyhoeddus o fewn yr Ardal Gyfyngedig, heb esgus rhesymol, sy’n methu ag ildio unrhyw ddiod feddwol sydd yn eu meddiant pan fydd swyddog awdurdodedig yn gofyn iddo wneud hynny, yn cyflawni trosedd.
(c) mae’n rhaid i Swyddog Awdurdodedig sy’n gosod gofyniad o dan Erthygl 4(a) ac/neu 4(b) uchod ddweud wrth yr unigolyn bod methu â chydymffurfio â’r gwaharddiad ac/neu’r gofyniad, heb esgus rhesymol, yn drosedd.