Newyddion Diweddaraf Cyngor Sir Y Fflint
Strategaeth Pobl 2014-2017
Published: 14/04/2014
Bydd yr Aelodau yn ystyried y themâu a’r blaenoriaethau allweddol arfaethedig
yng nghyfnod nesaf Strategaeth Pobl y Cyngor ar gyfer 2014-17 mewn cyfarfod
Cabinet ddydd Mawrth (15 Ebrill).
Bydd Strategaeth newydd y Cyngor yn esbonio gweledigaeth y Cyngor i roi
newidiadau a datblygiadau sefydliadol effeithiol ar waith, i foderneiddio
arferion gweithio, i ddatblygu staff a gwella iechyd a lles y gweithlu, er mwyn
sicrhau gwasanaethau uchel eu perfformiad, cost effeithiol a hyblyg i ddiwallu
anghenion ein cwsmeriaid yn well.
Bydd y Strategaeth Pobl yn hybu’r sefydliad drwy ddatblygu ac ymwreiddio
gwerthoedd ac arferion arweinyddiaeth er mwyn pontio rhwng strwythur presennol
y Cyngor a model gweithredu newydd y Cyngor, gan bwysleisio pwysigrwydd
ad-drefnu’n sefydliad, hybu newid diwylliannol, rheoli talent a sicrhau bod
perfformiad a chynhyrchiant yn gwella.
Dywedodd y Cynghorydd Billy Mullin, yr Aelod Cabinet dros Reolaeth
Gorfforaethol:
“Mae’r Strategaeth Pobl yn llywio’r modd y mae’r Cyngor yn trin staff a’r hyn
y maent yn ei gynhyrchu. Mae hefyd yn cyfrannu at y broses o sicrhau bod y
sefydliad yn rhedeg yn ddidrafferth er budd cwsmeriaid a phobl leol. Bydd
gweithlu proffesiynol, hyfedr yn cynnig gwasanaeth ardderchog, yn cyrraedd
targedau gwasanaeth heriol ac yn sicrhau bod y sefydliad yn mynd o nerth i
nerth.”